பார்வையற்ற ஆசிரியர் சங்கம் அறிக்கை
Blinded Teachers Association Press Meet in Chennai Press Club : சென்னை, பிப்.6- பார்வையற்ற ஆசிரியர் சங்கத்தின் சார்பாக அறிக்கை வெளியிடப்பட்டது. மாநில தலைவர் பி.ஏ.கோபால், மாநில பொது செயலாளர் ஜி.ஜெயக்குமார் ஆகியோர் கூட்டாக வெளியிட்டுள்ள அறிக்கையில் பார்வையற்ற ஆசிரியர்கள் சங்கம் கடந்த 20 ஆண்டுகளாகப் பார்வைக் குறைபாடுள்ள ஆசிரியர்களின் அதிகாரமளித்தல் மற்றும் மாணவர்களின் நலன்புரிச் செயல்பாடுகள் துறையில் பணியாற்றி வருகிறோம். பார்வைக் குறைபாடுள்ள ஆசிரியர்கள் சமூகத்திற்கு உரிமைகள், சலுகைகள் மற்றும் வசதிகளைப் பெற்றுத் தரபாடுபட்டு வருகிறோம் என்றனர்.
யு.ஜி.சி., சி.பி.எஸ்.இ மாற்றுத்திறனாளி விண்ணப்பதாரர்களுக்கு தளர்வுகள் வழங்கியுள்ளன
மேலும், தமிழக அரசு கடந்த 28-ந் தேதி வெளியிட்டுள்ள அரசாணையில், என்.சி.டி.இ. வழிகாட்டுதல்களின் படி, டெட் தேர்வில் குறைந்தபட்சத் தகுதி மதிப்பெண்ணான 50 சதவீதம் சட்டப் பூர்வத் தீவிரத்துடன் தளர்த்தப்பட வேண்டும் என்று கூறப்பட்டுள்ளது. யு.ஜி.சி., சி.பி.எஸ்.இ., ஆகியவை மாற்றுத்திறனாளி விண்ணப்பதாரர்களுக்கு சில தளர்வுகளை வழங்கியுள்ளன. ஆந்திரப் பிரதேசம், தெலுங்கானா, ஒடிசா போன்ற மாநிலங்கள் எஸ்.சி., எஸ்.டி., விண்ணப்பதாரர்களுக்கு இணையாக குறைந்தபட்சத் தகுதி மதிப்பெண்ணில் முழுமையான தளர்வை வழங்கியுள்ளன என்றும் தெரிவித்தனர்.
40 சதவீதம் என்ற விதிகளின் படி அரசாணையை திருத்தவேண்டும்
இதைத்தொடர்ந்து, சமீபத்தில் எங்கள் மாநில அரசு சிறுபாண்மையினருக்காக ஒரு அரசாணையை வெளியிட்டது. ஆனால் சேவைத் தொடர்ச்சி மற்றும் பதவி உயர்வுக்காக சிறுபாண்மையினர் டெட் தேர்வு எழுத வேண்டியதில்லை. பார்வைக் குறைபாடுள்ள எங்கள் விஷயத்தில், வயது முதிர்ந்த கல்வி, பயிற்சி மற்றும் வேலைவாய்ப்பு ஆகியவை எங்கள் வாழ்க்கையில் ஒரு முக்கியமான சூழ்நிலையை கொண்டுள்ளது. எனவே எஸ்.சி., எஸ்.டி. விண்ணப்ப தாரர்களுக்கு இணையாக 40 சதவீதம் என்ற விதிகளின் படி அரசாணையை திருத்து மாறு கேட்டுக் கொள்கிறோம் என்று பார்வையற்ற சங்கத்தின் சார்பாக வெளியிட்டுள்ள அறிக்கையில் வேண்டுகோள் விடுத்துள்ளனர்.
