Ration Card E-KYC Rules and 6 Months Inactive Freeze
மத்திய அரசின் நடவடிக்கை பின்னணி
மத்திய உணவு மற்றும் பொது விநியோக அமைச்சகம், பொது விநியோகத் திட்டத்தின் (PDS) தரவுத்தளத்தைச் சீரமைக்கவும் போலிப் பதிவுகளை நீக்கவும் இந்த நடவடிக்கையை மேற்கொண்டுள்ளது.
நியாயமான முறையில் ஏழை,எளிய மக்களுக்கு உணவுப் பொருட்கள்
போலி அட்டைகள், இறந்தவர்களின் பெயர்கள், இடம்பெயர்ந்தவர்களின் தகவல்கள் மற்றும் தகுதியற்ற பயனாளிகளை நீக்குவதன் மூலம் உண்மையான ஏழை மக்களுக்கு நியாயமான முறையில் உணவுப் பொருட்கள் சென்றடைவதை உறுதி செய்ய முடியும் என அரசு தெரிவித்துள்ளது.
3 மாத கால அவகாசம் மற்றும் செயல்முறை
தற்போது எடுக்கப்பட்டுள்ள நடவடிக்கை தற்காலிக முடக்கம் மட்டுமே ஆகும். ரேஷன் கார்டு முடக்கப்பட்ட பயனாளிகளுக்கு 3 மாதங்கள் கால அவகாசம் வழங்கப்படும்.
அதற்குள் அருகில் உள்ள நியாயவிலைக் கடைக்குச் சென்று பயோமெட்ரிக் (கைரேகை அல்லது விழித்திரை) சரிபார்ப்பு மூலம் இ-கே.ஒய்.சி (e-KYC) செய்து கொண்டால், அவர்களின் ரேஷன் கார்டு உடனடியாக மீண்டும் செயல்பாட்டுக்கு வரும்.
இ-கே.ஒய்.சி செய்யத் தவறினால் என்ன நடக்கும்?
வழங்கப்பட்டுள்ள 3 மாத அவகாசத்திற்குள் இ-கே.ஒய்.சி மற்றும் களச் சரிபார்ப்பை (Field Verification) நிறைவு செய்யாவிட்டால், அந்த ரேஷன் கார்டுகள் தரவுத்தளத்தில் இருந்து நிரந்தரமாக நீக்கப்படும்.
இதன் மூலம் அவர்களுக்குக் கிடைக்கும் இலவச மற்றும் மானிய விலை உணவுப் பொருட்கள் நிறுத்தப்படும்.
ஏற்கனவே நீக்கப்பட்ட போலி கார்டுகள்
டிஜிட்டல் மயமாக்கல், ஆதார் இணைப்பு மற்றும் இ-கே.ஒய்.சி முறைகள் மூலம் நாடு முழுவதும் இதுவரை சுமார் 5.8 கோடி போலி மற்றும் தகுதியற்ற ரேஷன் கார்டுகள் நீக்கப்பட்டுள்ளதாக புள்ளிவிவரங்கள் தெரிவிக்கின்றன.
இதையும் படிங்க : E-Challan அபராதத்தை மின் கட்டணத்துடன் இணைக்க உச்சநீதிமன்றம் யோசனை: தவறினால் கருப்புப் பட்டியலில் வாகனங்கள்!
======
