மிஸ் யுனிவர்ஸ் வென்று வெளிநடப்பு செய்த மெக்சிகோ அழகி:என்ன நடந்தது

மிஸ் யுனிவர்ஸ் போட்டி

Fátima Bosch of Mexico Wins Miss Universe 2025 : 'மிஸ் யுனிவர்ஸ்' என்பது சர்வதேச நாடுகளை சேர்ந்த அழகிகள் கலந்து கொள்ளும் வருடாந்திர போட்டியாகும். இந்தாண்டுக்கான போட்டி, தாய்லாந்தில் உள்ள இம்பாக்ட் சேலஞ்சர் ஹாலில் நடந்தது.

இந்தியா சார்பில் மணிகா விஸ்வகர்மா போட்டியிட்டார். 100க்கும் மேற்பட்ட நாடுகளை சேர்ந்த அழகிகள் போட்டியில் கலந்து கொண்டனர்.

மிஸ் யுனிவர்ஸான பாத்திமா போஷ்

போட்டியின் இறுதி சுற்றில், மெக்சிகோ நாட்டை சேர்ந்த பாத்திமா போஷ் வெற்றி பெற்று, 2025ம் ஆண்டு மிஸ் யுனிவர்ஸ் பட்டத்தை தட்டி சென்றார்.

முதல் ரன்னர் அப் ஆக தாய்லாந்து அழகியும், இரண்டாம் ரன்னர் அப் ஆக வெனிசுலா அழகியும் தேர்வு செய்யப்பட்டனர். வெற்றி பெற்ற பாத்திமா, நடனம் ஆடி தனது மகிழ்ச்சியை வெளிப்படுத்தினார்.

நடுவர் சாய்னா நேவால்

இவருக்கு பல்வேறு தரப்பினர் வாழ்த்துக்களையும், பாராட்டுக்களையும் தெரிவித்து வருகின்றனர். இறுதிப்போட்டியின் நடுவர்களில் ஒருவராக பேட்மின்டன் வீராங்கனை சாய்னா நேவால் பணியாற்றினார்.

இந்தியாவின் மணிகா விஸ்கர்மா

இந்தியா சார்பில் போட்டியிட்ட மணிகா விஸ்வகர்மா(Manika Vishwakarma) முன்னதாக நடந்த ஸ்விம் சூட் போட்டியில் தோல்வியை தழுவி வெளியேறிதால் அவரால் 12 இடங்களுக்குள் வரமுடியவில்லை.

நிர்வாக அச்சுறுத்தல்

சர்ச்சையை கடந்து சாதித்து மிஸ் யூனிவர்ஸ்(Miss Universe 2025 Winner Of Fátima Bosch) அழகி பட்டம் வென்ற மெக்சிகோ நாட்டை சேர்ந்த பாத்திமா போஷ் என்பவரை அழகி போட்டி நடத்தும் தாய்லாந்து நாட்டின் நிர்வாகி நவத் திடீரென கடுமையாக கடிந்து கொண்டார்.

இது நேரலை ஒளிபரப்பு செய்யப்பட்டதால், அதிருப்தி அடைந்த பாத்திமா போஷ் வாக்குவாதம் செய்தார். நிகழ்ச்சியை விளம்பரம் செய்வதற்கு தகுந்த ஒத்துழைப்பு தரவில்லை என்றால் தகுதி நீக்கம் செய்வேன் என்று நிர்வாகி நவத் அச்சுறுத்தல் விடுத்தார்.

வெளிநடப்பு செய்த பாத்திமா போஷ்

இதையடுத்து போட்டி அரங்கில் இருந்து பாத்திமா போஷ் வெளிநடப்பு செய்தார். பின்னர் இவருக்கு ஆதரவாக சக அழகிகளும் விழா அரங்கில் இருந்து வெளியேறினர். மெக்சிகோ நாட்டு அழகியை அவமானம் படுத்தியதற்கு அந்நாட்டு அதிபர் கடும் எதிர்ப்பு தெரிவித்து இருந்தார்.

இதற்கிடையே போட்டி நடத்திய இரண்டு நடுவர்கள் வெளிநடப்பு செய்தனர். இதில் ஒருவர் முன்கூட்டியே வெற்றியாளர்கள் தேர்வு செய்யப்பட்டதாக புகார் கூறியுள்ளார். பல்வேறு சர்ச்சைகளை கடந்து பாத்திமா போஷ் மகுடம் சூடியுள்ளார்.