வங்கதேசம் விருப்பம் :
பாகிஸ்தான், சவூதி அரேபியா மற்றும் துருக்கி இணைந்து உருவாக்கியுள்ள புதிய பாதுகாப்பு கூட்டணியில் வங்கதேசமும் இணைய வாய்ப்புள்ளதாக தகவல் வெளியாகியுள்ளது.
வங்கதேச அரசு தரப்பில், இதுகுறித்த முடிவு நாட்டின் தேசிய நலன்களை அடிப்படையாகக் கொண்டே எடுக்கப்படும் என தெரிவிக்கப்பட்டுள்ளது.
எனவே, வங்கதேசம் கூட்டணியில் இணைந்துவிட்டதாக தற்போது கூற முடியாது; ஆனால் அதற்கான வாய்ப்பை அந்நாடு திறந்தே வைத்துள்ளது.
மெக்காவில் உருவான புதிய பாதுகாப்பு ஒப்பந்தம்:
சவூதி அரேபியா, பாகிஸ்தான் மற்றும் துருக்கி ஆகிய நாடுகள் ஆகஸ்ட் 7-ஆம் தேதி மெக்காவில் கூட்டு பாதுகாப்பு ஒப்பந்தத்தில் கையெழுத்திட்டன.
இந்த ஒப்பந்தத்தின் முக்கிய அம்சமாக, மூன்று நாடுகளில் ஏதேனும் ஒரு நாட்டின் மீது ஆயுதத் தாக்குதல் நடத்தப்பட்டால், அது மூன்று நாடுகளின் மீதான தாக்குதலாக கருதப்படும் வகையில் கூட்டு தடுப்பு பாதுகாப்பு அமைப்பு உருவாக்கப்பட்டுள்ளது.
“வங்கதேசம் முதலில்” என்ற கொள்கை :
வங்கதேச வெளியுறவுத்துறை இணை அமைச்சர் ஹுமாயுன் கபீர், சவூதி அரேபியா, பாகிஸ்தான் மற்றும் துருக்கி தொடர்பான பொருளாதார அல்லது பாதுகாப்பு கட்டமைப்பில் இணைவதற்கான வாய்ப்பை வங்கதேசம் சாதகமாக பார்க்கிறது என தெரிவித்துள்ளார்.
அதே நேரத்தில், நாட்டின் தேசிய நலன்கள் மற்றும் மாறிவரும் உலக பொருளாதாரம், வர்த்தக சூழ்நிலைகள் ஆகியவற்றை கருத்தில் கொண்டே இறுதி முடிவு எடுக்கப்படும் என்றும் அவர் கூறியுள்ளார்.
பாகிஸ்தானுடன் உறவை வலுப்படுத்தும் வங்கதேசம் :
இன்று உலகம் இருக்கக்கூடிய சூழ்நிலையில் பலவேறு நாடுகள் perum சாவளை சந்தித்து வருகிறது எனவே palveru நாடுகள் ஒன்றுபட்டு செயல்பட சூழ்நிலை ஏற்பட்டுவருகிறது இதனிடையே இஸ்லாமிய கூட்டமைப்பு நாடுகளும் தீவிரமாக அவர்களுக்கனே கூட்டமைப்பை ஏற்படுத்திவருகினறனர் .
குறிப்பாக வர்த்தகம் மற்றும் மக்கள்-to-மக்கள் தொடர்புகளை மேம்படுத்துவதில் கவனம் செலுத்தப்படுவதாக கூறப்பட்டுள்ளது. இதனால், வங்கதேசத்தின் வெளியுறவுக் கொள்கையில் புதிய மாற்றங்கள் ஏற்படுகிறதா என்ற கேள்வியும் எழுந்துள்ளது.
இந்தியாவுக்கு தாக்கம்?
வங்கதேசம் இந்த பாதுகாப்பு கட்டமைப்பில் இணைந்தால், தெற்காசியாவின் பாதுகாப்பு மற்றும் அரசியல் சமன்பாடுகளில் மாற்றம் ஏற்பட வாய்ப்புள்ளது.
குறிப்பாக பாகிஸ்தான் மற்றும் வங்கதேசம் இடையிலான உறவுகள் வலுப்பெறும் நிலையில், இந்தியாவும் இந்த நகர்வை உன்னிப்பாக கவனிக்கும் என எதிர்பார்க்கப்படுகிறது.
இருப்பினும், வங்கதேசத்தின் அதிகாரப்பூர்வ நிலைப்பாடு தெளிவாக உள்ளது. நாட்டின் நலனுக்கும், வங்கதேச மக்களின் நலனுக்கும் சாதகமாக இருந்தால் மட்டுமே எந்தவொரு கூட்டணியிலும் இணைவது குறித்து முடிவு எடுக்கப்படும் என அந்நாட்டு அரசு தெரிவித்துள்ளது.
