A study warns that 274 million people worldwide will face a severe food crisis due to El Niño-driven climate change.
எல் நினோ பாதிப்பு ஆய்வறிக்கை
எல் நினோ காலநிலை மாற்றத்தால் பாதிக்கப்படக்கூடிய 45 உலக நாடுகளில் நடத்தப்பட்ட ஆய்வில், கடுமையான பட்டினியைச் சந்திக்கும் மக்களின் எண்ணிக்கை 22 சதவீதம் வரை அதிகரிக்கும் எனக் கணக்கிடப்பட்டுள்ளது.
இதனால் உலகளவில் சுமார் 27 கோடியே 40 லட்சம் பேர் கடுமையான உணவுத் தட்டுப்பாட்டைச் சந்திக்கக் கூடும் என்று கூறப்படுகிறது.
அதிக பாதிப்புக்குள்ளாகும் மண்டலங்கள்
மத்திய அமெரிக்கா, தென்னாப்பிரிக்கா, கிழக்கு ஆப்பிரிக்கா மற்றும் தெற்கு, தென்கிழக்கு ஆசியப் பகுதிகள் இக்காலநிலை மாற்றத்தால் மிகக் கடுமையான உணவு நெருக்கடியையும் வேளாண் பாதிப்பையும் சந்திக்கும் எனத் தெரிவிக்கப்பட்டுள்ளது.
காலநிலை மாற்றத்தின் தீவிரத் தாக்கம்
பசிபிக் பெருங்கடலின் வெப்பநிலை அதிகரிப்பால் உருவாகும் எல் நினோ, தீவிர வறட்சியையும் கனமழையையும் ஏற்படுத்துகிறது. செப்டம்பர் முதல் டிசம்பர் வரை உச்சம் தொடும் இந்த பாதிப்பால், விவசாய அறுவடை பாதிக்கப்பட்டு இதன் தாக்கம் 2027 வரை நீடிக்கும் என்றும் கூறப்படுகிறது.
முன்-பேரிடர் உதவி நடவடிக்கைகள்
பாதிப்புகளைக் குறைக்கும் நோக்கில் தெற்கு சூடான், சாட், குவாதமாலா உட்பட 6 நாடுகளில் 1.4 கோடி அமெரிக்க டாலர் மதிப்பிலான முன்-பேரிடர் உதவிகள் மூலம் 5 லட்சம் பேருக்கு உதவிகள் வழங்கப்பட்டுள்ளன.
உலக நாடுகளுக்கு அவசர கோரிக்கை
நிலைமை தீவிரமடைவதற்கு முன் விவசாயிகளையும் பொதுமக்களையும் பாதுகாக்க உலக நாடுகள் கூடுதல் நிதி ஒதுக்கீடு செய்ய வேண்டும் என உலக உணவுத் திட்டமும் (WFP) உணவு மற்றும் வேளாண் அமைப்பும் (FAO) கூட்டாக வலியுறுத்தியுள்ளன.
இதையும் படிங்க : Vettri Tamil Nadu Investment Conclave : தொழில் முதலீடுகள், மாவட்டங்களுக்கு எவ்வளவு நிதி? வேலை வாய்ப்புகள், முழு விவரம்!
======