

தொடர்ந்து சரியும் தங்கம் விலை
சர்வதேச சந்தையில் அமெரிக்க டாலர் மதிப்பு சரிவு, தங்கத்தில் முதலீடு செய்வதை குறைக்கும் உலக நாடுகள், ரூபாயின் மதிப்பு சற்று ஏற்றம் போன்ற காரணங்களால், தங்கத்தின் விலை தொடர்ந்து சரிவு கண்டு வருகிறது. ஒரு சில நாட்களில் சற்று ஏறினாலும், பெரும்பாலான நாட்கள் தங்கம் விலை குறைந்து தான் வருகிறது.
கிராமுக்கு ரூ.75 குறைவு
வாரத்தின் முதல் நாளான இன்று தங்கம் விலை குறைந்து இந்த மாதத்திலேயே குறைந்தபட்ச விலைக்கு சென்றுள்ளது. ஒரு கிராம் ஆபரண தங்கம் விலை 75 ரூபாய் குறைந்து 12,540 ரூபாய்க்கு விற்கப்படுகிறது.
சவரனுக்கு ரூ.600 சரிவு
ஒரு சவரன் ஆபரண தங்கம் 600 ரூபாய் விலை சரிந்து 1,00,320 ரூபாய்க்கு விற்கப்படுகிறது. தங்கம் விலை தொடர்ந்து ஐந்தாவது வர்த்தக நாளாக விலை குறைந்திருக்கிறது.
ஒரு லட்சத்தை நோக்கி சரிகிறது
சவரனுக்கு இன்னும் 320 ரூபாய் குறைந்துவிட்டால் 1 லட்சம் ரூபாய் என்ற விலைக்கு கீழ் தங்கம் வந்துவிடும். நாளையும் விலை குறைந்தால் நிச்சயம் இதற்கான வாய்ப்பு இருக்கிறது.
5 நாட்களில் ரூ.5,720 சரிவு
தமிழ்நாட்டில் கடந்த 5 நாட்களில் மட்டும் ஆபரண தங்கம் விலை கிராமுக்கு 715 ரூபாயும் ஒரு சவரனுக்கு 5,720 ரூபாயும் விலை சரிந்துள்ளது. 10 கிராமுக்கு 7,150 ரூபாய் விலை குறைந்துள்ளது.
24 கேரட் தங்கம் விலையை பொறுத்தவரை ஒரு கிராம் 13,680 ரூபாய்க்கும் 10 கிராம் 1,36,800 ரூபாய்க்கும் விற்கப்படுகிறது.
18 கேரட் தங்கம் ஒரு கிராம் 10,260 ரூபாய்க்கும் ஒரு சவரன் 82,080 ரூபாய்க்கும் விற்பனை செய்யப்படுகிறது.
வெள்ளியின் விலையும் சரிவு
தமிழ்நாட்டில் இன்று ஒரு கிராம் வெள்ளி 5 ரூபாய் விலை குறைந்து ஒரு கிராம் 190 ரூபாய்க்கும் ஒரு கிலோ வெள்ளி 5000 ரூபாய் விலை சரிந்து 1.90 லட்சம் ரூபாய்க்கும் விற்கப்படுகிறது.
வெள்ளி விலை அதன் வரலாற்று உச்சபட்ச விலையில் இருந்து கிராமுக்கு 235 ரூபாய், கிலோவுக்கு 2.35 லட்சம் ரூபாய் வரை குறைந்து இருப்பது குறிப்பிடத்தக்கது.
10 நாட்களில் தங்கம் விலை நிலவரம்
நவம்பர் 16 - ரூ. 1,00,320
நவம்பர் 15 - ரூ. 1,00,920
நவம்பர் 14 - ரூ. 1,00,920
நவம்பர் 13 - ரூ. 1,01,560
நவம்பர் 12 - ரூ. 1,02,520
நவம்பர் 11 - ரூ. 1,04,120
நவம்பர் 10 - ரூ. 1,05,680
நவம்பர் 9 - ரூ. 1,06,040
நவம்பர் 8 - ரூ. 1,05,280
நவம்பர் 7 - ரூ. 1,05,280
=====