'Ramayana' screened in Los Angeles: Receives an overwhelming response from American audiences!
அமெரிக்காவில் சிறப்புத் திரையிடல்
இயக்குநர் நிதீஷ் திவாரி இயக்கத்தில் பிரம்மாண்டமாக உருவாகியுள்ள 'ராமாயணா' திரைப்படம், அமெரிக்காவின் லாஸ் ஏஞ்சல்ஸ் நகரில் உள்ள அகாடமி மியூசியத்தில் சிறப்புக் காட்சியாக திரையிடப்பட்டு பார்வையாளர்களிடம் மாபெரும் வரவேற்பைப் பெற்றுள்ளது.
உலகளவில் ரசிகர்களின் எதிர்பார்ப்பைத் தூண்ட
ரசிகர்களின் எதிர்பார்ப்பைத் தூண்டுவதுடன், படத்தின் மீதான நம்பகத்தன்மையை உலகளவில் உறுதிப்படுத்தும் நோக்கிலும் இந்தத் திரையிடல் நடத்தப்பட்டதாக தயாரிப்பாளர் தெரிவித்துள்ளார்.
பிரம்மாண்ட நட்சத்திரக் கூட்டணி மற்றும் தயாரிப்பு
இப்படத்தில் ராமனாக ரன்பீர் கபூர், சீதையாக சாய் பல்லவி, ராவணனாக யஷ் ஆகியோர் முதன்மை கதாபாத்திரங்களில் நடித்துள்ளனர். மேலும் காஜல் அகர்வால், ரகுல் ப்ரீத் சிங், சன்னி தியோல் ஆகியோர் முக்கியக் கதாபாத்திரங்களை ஏற்று நடித்துள்ளனர்.
பிரைம் ஃபோகஸ் ஸ்டுடியோஸ், மான்ஸ்டர் மைண்ட் கிரியேஷன்ஸ் மற்றும் DNEG ஆகியவை இணைந்து ரூ.4,000 கோடி பிரம்மாண்ட பொருட்செலவில் இப்படத்தைத் தயாரித்து உள்ளன.
வெளியீட்டுத் தேதி மற்றும் மொழிகள்
சோனி பிக்சர்ஸ் நிறுவனம் உலகம் முழுவதும் இப்படத்தின் முதல் பாகத்தை வரும் நவம்பர் 5-ஆம் தேதி சர்வதேச அளவில் வெளியிட உள்ளது. இப்படத்தின் இரண்டாம் பாகம் அடுத்த ஆண்டு தீபாவளிப் பண்டிகையை முன்னிட்டு வெளியாகும் என எதிர்பார்க்கப்படுகிறது.
பான் இந்தியா வெளியீடு
தமிழ், தெலுங்கு, ஹிந்தி, மலையாளம், கன்னடம் என அனைத்து முன்னணி இந்திய மொழிகளிலும் ஐமேக்ஸ் திரையரங்குகளில் இத்திரைப்படம் பிரம்மாண்டமாக வெளியாகிறது.
இதையும் படிங்க: இந்திய சினிமாவில் மீண்டும் பக்தி, புராணப் படங்களின் அலையடிப்பு : பாக்ஸ் ஆபீஸைக் கைப்பற்றும் புதிய ட்ரெண்ட்!
============
