Gulveer Singh won a historic silver medal in the men's 10,000-metre race at the Commonwealth Games 2026
காமன்வெல்த் விளையாட்டு போட்டிகள்
கிளாஸ்கோ நகரில் காமன்வெல்த் விளையாட்டு போட்டிகள் நடைபெற்று வருகின்றன. இதில் இந்தியா பதக்கங்கள் வென்று சாதித்து வருகிறது.
இந்தியாவின் பதக்க கனவு
காமன்வெல்த் விளையாட்டில் 10 ஆயிரம் மீட்டர் ஓட்டப் பந்தயத்தில் இந்தியா ஒருமுறை கூட பதக்கம் வென்றது கிடையாது. இது இந்தியாவின் கனவாகவே இதுவரை இருந்து வந்தது.
குல்வீர் சிங் வெள்ளிப் பதக்கம்
இதை நனவாக்கி காட்டி இருக்கிறார் இந்தியாவின் குல்வீர் சிங். ஆம், அவர் வெள்ளிப் பதக்கம் வென்று சாதித்து காட்டினார்.
தேசிய சாதனையாளரான இவர், பந்தய தூரத்தை 27:49.78 நிமிடங்களில் கடந்து இரண்டாவது இடத்தைப் பிடித்தார்.
ஆஸ்திரேலியாவின் கை ராபின்சன் தங்கப் பதக்கத்தையும், அயில் ஆஃப் மேன் நாட்டின் டேவிட் முலார்கி வெண்கலப் பதக்கத்தையும் வென்றனர்.
பாரம்பரியமாக நீண்ட தூர ஓட்டப்பந்தயங்களில் ஆதிக்கம் செலுத்தும் கென்யா மற்றும் உகாண்டா நாடுகள் இம்முறை பதக்கங்களை வெல்ல முடியாமல் போனது ஆச்சரியம் தான்.
மழையிலும் சாதித்த குல்வீர் சிங்
மழையால் ஓடுதளம் நனைந்த கடினமான சூழ்நிலைக்கு மத்தியில் நடைபெற்ற இந்த பந்தயத்தில், குல்வீர் மிகவும் நிதானமான மற்றும் சாதுரியமான அணுகுமுறையை கையாண்டார்.
25 சுற்றுகளைக் கொண்ட இந்த பந்தயத்தின் பெரும்பகுதியில் முன்னணியில் ஓடிய வீரர்களுடனேயே இணைந்து ஓடிய அவர், தனது ஆற்றலைச் சேமித்துக் கொண்டார்.
கடைசி சுற்றில் குல்வீர் அசத்தல்
கடைசி ஒரு சுற்று மட்டுமே மீதமிருந்தபோது மூன்றாவது இடத்தில் இருந்த இந்த இந்திய வீரர், இறுதி கட்டத்தில் வேகத்தை வெளிப்படுத்தினார்.
இந்தியாவின் கனவு நனவானது
இறுதி கட்ட வேகம் அவரை இரண்டாவது இடத்திற்கு கொண்டு சேர்த்ததுடன், காமன்வெல்த் விளையாட்டுப் போட்டிகளின் நீண்ட தூர ஓட்டப்பந்தய வரலாற்றில் இந்தியாவின் கனவுகளில் ஒன்றான வரலாற்று வெள்ளிப் பதக்கத்தையும் உறுதி செய்தது.
இந்தியாவிற்கு மைல்கல்
இதற்கு முன்பு எந்தவொரு இந்திய தடகள வீரரும் இப்பிரிவில் பதக்கம் வென்றதில்லை என்பதால், இந்த வெள்ளிப் பதக்கம் இந்திய தடகள வரலாற்றில் ஒரு முக்கிய மைல்கல்லாகப் பதிவாகியுள்ளது.
=========
