ஆசிய கோப்பை டி20 கிரிக்கெட் :
India vs Oman Match Highlights in Asia Cup 2025 : ஐக்கிய அரபு எமிரேட்சில் (UAE) ஆசிய கோப்பை ('டி-20') 17வது சீசன் நடைபெற்று வருகிறது. இதில் இந்தியா, பாகிஸ்தான் உட்பட 8 அணிகள் விளையாடி வருகின்றன. அபுதாபியில் நேற்று நடந்த 'ஏ' பிரிவு லீக் போட்டியில், ஏற்கனவே 'சூப்பர்-4' சுற்றுக்கு முன்னேறிய இந்திய அணி, ஓமனை எதிர்கொண்டது.
சஞ்சு சாம்சன் அரை சதம் :
இந்திய அணியில்(Indian Squad for Asia Cup) ஜஸ்பிரீத் பும்ரா, வருண் சக்ரவர்த்திக்கு பதிலாக ஹர்ஷித் ராணா, அர்ஷ்தீப் சிங் ஆகியோர் சேர்க்கப்பட்டனர். டாஸ் வென்ற இந்திய அணி முதலில் பேட் செய்தது. அதிகபட்சமாக சஞ்சு சாம்சன் 45 பந்துகளில், 3 பவுண்டரிகள், 3 சிக்ஸர்களுடன் 56 ரன்கள் விளாசினார்(Sanju Samson Runs). அவர், 41 பந்துகளில் அரை சதம் கடந்தார். சர்வதேச டி20 அரங்கில் சஞ்சு சாம்சனுக்கு இது 3வது அரைசதமாகும்.
இந்திய அணி ரன் குவிப்பு :
ஷுப்மன் கில் 5 ரன்களில் போல்டானார். அபிஷேக் சர்மா 15 பந்துகளில், 2 சிக்ஸர்கள், 5 பவுண்டரிகளுடன் 38 ரன்கள் எடுத்த நிலையில் ராமானந்தி பந்தில் வெளியேறினார். ஹர்திக் பாண்டியா ஒரு ரன் எடுத்த நிலையில் ரன் அவுட் ஆனார். அக்சர் படேல் 13 பந்துகளில் 26 ரன்களும், திலக் வர்மா 18 பந்துகளில் 29 ரன்களும், ஷிவம்துபே 5 ரன்களும், அர்ஷ்தீப் சிங் ஒரு ரன்னும் சேர்த்து ஆட்டமிழந்தனர். ஹர்ஷித் ராணா 13 ரன்களும், குல்தீப் யாதவ் ஒரு ரன்னும் சேர்த்து ஆட்டமிழக்காமல் இருந்தனர். இந்திய அணி 20 ஓவர்களில் 8 விக்கெட்கள் இழப்புக்கு 188 ரன்கள் குவித்தது.
இந்திய அணி ஹாட்ரிக் வெற்றி :
189 ரன்கள் எடுத்தால் வெற்றி என்ற இலக்குடன் ஓமன் அணி விளையாடியது. ஆமீர் கலீம் 64 ரன்கள், ஹம்மாத் மிர்சா 51 ரன்களும் எடுத்தனர். அந்த அணியின் கேப்டன் ஜதீந்தர் சிங் 32 ரன்கள் எடுத்தார்.
ஓமன் அணியால் 20 ஓவர்களில் 4 விக்கெட்டுகள் இழப்புக்கு 167 ரன்கள் மட்டுமே எடுக்க முடிந்தது. இதையடுத்து 21 ரன்கள் வித்தியாசத்தில் இந்திய அணி வெற்றி பெற்றது(India Defeats Oman in Asia Cup 2025). ஆட்ட நாயகன் விருதை சஞ்சு சாம்சன் பெற்றார்.
மேலும் படிக்க : Asia Cup 2025 : பாகிஸ்தானை வீழ்த்தி இந்தியா அசத்தல் வெற்றி
அர்ஷ்தீப் சிங் 100 விக்கெடுகள் :
சர்வதேச 'டி-20'ல் 100 விக்கெட் சாய்த்த முதல் இந்திய பவுலர் ஆனார் அர்ஷ்தீப் சிங். இவர் 64 போட்டியில் இம்மைல்கல்லை எட்டினார். சகால் (96), ஹர்திக் பாண்ட்யா (96), பும்ரா (92) அடுத்தடுத்து உள்ளனர்.
===========
