இந்திய மகளிர் கிரிக்கெட் அணியின் கேப்டன் ஹர்மன்ப்ரீத் கவுர், அனைத்து வடிவங்களிலான கேப்டன் பொறுப்பில் இருந்து விலகுவதாக அறிவித்துள்ளார்.
சமூக வலைதளத்தில் வெளியிட்டுள்ள பதிவில் தனது முடிவை அவர் அதிகாரப்பூர்வமாக தெரிவித்துள்ளார்.
குறிப்பாக 2025-ஆம் ஆண்டு மகளிர் ஒருநாள் உலகக் கோப்பையை வென்று இந்தியா வரலாறு படைத்தது.
மேலும் ஆசியக் கோப்பை மற்றும் ஆசிய விளையாட்டுப் போட்டிகளிலும் இந்திய அணி வெற்றிகளை குவித்தது.
கேப்டன் பதவியில் இருந்து விலகுவது எளிதான முடிவு அல்ல என்றும், இந்திய அணியை வழிநடத்தியது தனது கிரிக்கெட் வாழ்க்கையின் மிகப்பெரிய பெருமைகளில் ஒன்று என்றும் ஹர்மன்ப்ரீத் கவுர் தெரிவித்துள்ளார்.
அதே நேரத்தில், இனியும் வீராங்கனையாக இந்திய அணிக்காக முழு அர்ப்பணிப்புடன் விளையாடுவேன் என்றும் கூறியுள்ளார்.
ஹர்மன்ப்ரீத் கவுரின் விலகலுக்குப் பிறகு இந்திய மகளிர் அணியின் புதிய கேப்டன் யார் என்ற எதிர்பார்ப்பு அதிகரித்துள்ளது.
தற்போதைய துணை கேப்டன் ஸ்மிருதி மந்தனா அடுத்த கேப்டனாக பொறுப்பேற்கலாம் என்ற தகவல்கள் வெளியாகி வருகின்றன.
இந்திய மகளிர் கிரிக்கெட்டின் முக்கிய முகங்களில் ஒருவராக விளங்கும் ஹர்மன்ப்ரீத் கவுரின் இந்த முடிவு, அணியில் புதிய தலைமையின் தொடக்கமாக பார்க்கப்படுகிறது.
இருப்பினும், வீராங்கனையாக அவர் தொடர்ந்து இந்திய அணிக்காக விளையாட உள்ளதால் ரசிகர்கள் மகிழ்ச்சி அடைந்துள்ளனர்.
ஆசிய விளையாட்டுப் போட்டி தங்கத்துக்கு பிறகு முக்கிய அறிவிப்பு :
சமீபத்தில் ஜப்பானின் நாகோயா-ஐச்சியில் நடைபெற்ற 2026 ஆசிய விளையாட்டுப் போட்டியில் இந்திய மகளிர் அணியை தங்கப் பதக்கத்திற்கு வழிநடத்திய நிலையில், அவரது இந்த முடிவு ரசிகர்களுக்கு ஆச்சரியத்தை ஏற்படுத்தியுள்ளது.
=================
