என்ன பரவியது?
டெல்லியில் நடைபெற்ற பிரிக்ஸ் உச்சி மாநாட்டில் பங்கேற்ற சில உலகத் தலைவர்கள் மாநாட்டுக்கு பிறகு உடல்நலக் குறைவால் பாதிக்கப்பட்டதாக சமூக வலைதளங்களில் தகவல்கள் பரவின.
குறிப்பாக சீன அதிபர் ஷி ஜின்பிங் மற்றும் தென்னாப்பிரிக்க அதிபர் சிரில் ரமபோசா தொடர்பாக பல்வேறு வதந்திகள் பகிரப்பட்டன.
இந்த தகவல்கள் அனைத்தும் தவறானவை மற்றும் மக்களை தவறாக வழிநடத்தும் வகையிலானவை என்று இந்திய வெளியுறவுத்துறை அமைச்சகம் (MEA) தெரிவித்துள்ளது.
சமூக வலைதளங்களில் பரவும் இத்தகைய தகவல்களை நம்ப வேண்டாம் என்றும் அமைச்சகம் வலியுறுத்தியுள்ளது.
வெளியுறவுத்துறையின் உண்மைச் சரிபார்ப்பு பிரிவு (MEA Fact Check), இந்த தகவல்களை "Fake Alert" எனக் குறிப்பிட்டு அதிகாரப்பூர்வ விளக்கம் வெளியிட்டது.
மாநாட்டில் பங்கேற்ற எந்த உலகத் தலைவரின் உடல்நிலை குறித்தும் அதிகாரப்பூர்வ தகவல் எதுவும் இல்லை எனத் தெரிவித்தது.
சில சமூக வலைதள பதிவுகள் மற்றும் உறுதிப்படுத்தப்படாத தகவல்கள் மூலமாக இந்த வதந்தி வேகமாக பரவியது.
சில வெளிநாட்டு சமூக ஊடக கணக்குகள் முன்வைத்த குற்றச்சாட்டுகளும் இதற்கு காரணமாக அமைந்ததாக கூறப்படுகிறது.
பிரிக்ஸ் போன்ற சர்வதேச மாநாடுகளை மையமாக வைத்து தவறான தகவல்கள் பரவுவது புதிய விஷயம் அல்ல.
சமீபத்தில் மாநாட்டுடன் தொடர்புடைய சில AI-யால் உருவாக்கப்பட்ட படங்களும் சமூக வலைதளங்களில் வைரலாகி இருந்தன.
இதுபோன்ற தகவல்களை பகிர்வதற்கு முன்பு அதிகாரப்பூர்வ ஆதாரங்களை சரிபார்க்க வேண்டும் என நிபுணர்கள் அறிவுறுத்துகின்றனர்.
இந்தியாவின் தலைமையில் டெல்லியில் நடைபெற்ற 18-வது பிரிக்ஸ் உச்சி மாநாட்டில் பல்வேறு உலகளாவிய பொருளாதார, வர்த்தக மற்றும் பாதுகாப்பு விவகாரங்கள் குறித்து ஆலோசிக்கப்பட்டது.
மாநாட்டில் உறுப்புநாடுகள் இணைந்து கூட்டு பிரகடனத்தையும் வெளியிட்டன.
==================
