பசுமை ஆற்றல் துறையில் முன்னணி நாடாக மாறும் இலக்குடன் இந்தியா ஹைட்ரஜன் உற்பத்தியை ஊக்குவித்து வருகிறது.
இதன் ஒரு பகுதியாக, ஹைட்ரஜன் ரயில் திட்டம் செயல்படுத்தப்பட்டுள்ள நிலையில், உள்நாட்டிலேயே ஹைட்ரஜன் எரிபொருள் உற்பத்தியை அதிகரிக்க மத்திய அரசு பல்வேறு நடவடிக்கைகளை மேற்கொண்டு வருகிறது.
டீசல் எஞ்சின்கள் மூலம் ஏற்படும் கார்பன் உமிழ்வைக் குறைக்கும் நோக்கில் ஹைட்ரஜன் ரயில்கள் அறிமுகப்படுத்தப்பட்டுள்ளன.
எதிர்காலத்தில் பழைய டீசல் ரயில்களுக்கு மாற்றாக ஹைட்ரஜன் தொழில்நுட்பம் கொண்ட ரயில்களை இயக்கும் திட்டத்தையும் ரயில்வே பரிசீலித்து வருகிறது.
ஜெர்மனி உள்ளிட்ட சில நாடுகளில் ஏற்கனவே ஹைட்ரஜன் ரயில்கள் வெற்றிகரமாக இயக்கப்பட்டு வருகின்றன.
இந்தியாவும் இந்த தொழில்நுட்பத்தை ஏற்றுக்கொள்வதன் மூலம் பசுமை போக்குவரத்து துறையில் முக்கிய இடத்தைப் பிடிக்கும் முயற்சியில் ஈடுபட்டுள்ளது.
ஹைட்ரஜன் எரிபொருளைப் பயன்படுத்தும் ரயில்களில் பாதுகாப்பு அம்சங்களுக்கு அதிக முக்கியத்துவம் வழங்கப்பட்டுள்ளது.
எரிபொருள் சேமிப்பு, கண்காணிப்பு அமைப்புகள் மற்றும் அவசரகால பாதுகாப்பு வசதிகள் சர்வதேச தரநிலைகளுக்கு ஏற்ப வடிவமைக்கப்பட்டுள்ளன.
ஹைட்ரஜன் ரயில் திட்டத்தின் விரிவாக்கம் மூலம் தொழில்நுட்பம், உற்பத்தி, பராமரிப்பு மற்றும் ஆராய்ச்சி துறைகளில் புதிய வேலைவாய்ப்புகள் உருவாகும் என எதிர்பார்க்கப்படுகிறது.
மூலம் ரயில்வே துறையில் திறமையான மனிதவளத்திற்கான தேவை அதிகரிக்கும்.
சோதனை இயக்கங்கள் வெற்றிகரமாக நிறைவடைந்த பிறகு, பல்வேறு மாநிலங்களில் ஹைட்ரஜன் ரயில் சேவையை விரிவுபடுத்த ரயில்வே திட்டமிட்டுள்ளது.
சுற்றுலா மற்றும் பாரம்பரிய முக்கியத்துவம் வாய்ந்த வழித்தடங்களில் முதற்கட்டமாக இந்த சேவைகள் அறிமுகப்படுத்தப்படலாம் என தகவல்கள் தெரிவிக்கின்றன.
இந்தியாவின் "விக்சித் பாரத் 2047" இலக்கை அடையும் வகையில், பசுமை ஆற்றல் சார்ந்த போக்குவரத்து கட்டமைப்பை உருவாக்க ரயில்வே முயற்சி மேற்கொண்டு வருகிறது.
ரயில் திட்டம் அந்த இலக்கை நோக்கிய முக்கிய நடவடிக்கைகளில் ஒன்றாக கருதப்படுகிறது.
ஹைட்ரஜன் ரயில்களில் குறைந்த அதிர்வு, குறைந்த சத்தம் மற்றும் மேம்பட்ட வசதிகள் இடம்பெறுவதால் பயணிகளுக்கு சிறந்த அனுபவம் கிடைக்கும் என ரயில்வே அதிகாரிகள் தெரிவிக்கின்றனர்.
இதனால் பொதுமக்கள் மத்தியில் இந்த சேவைக்கு வரவேற்பு மேலும் அதிகரிக்கும் என எதிர்பார்க்கப்படுகிறது.
================
