India Rice Production May Drop to 20-Year Low
இந்தியாவில் அரிசி உற்பத்தி கடந்த 20 ஆண்டுகளில் இல்லாத அளவிற்கு மிகப்பெரிய சரிவை சந்திக்கக்கூடும் என வேளாண் மற்றும் ஏற்றுமதித் துறை அதிகாரிகள் தீவிர எச்சரிக்கை விடுத்துள்ளனர்.
பருவமழைப் பொய்ப்பு மற்றும் நீடித்த வறண்ட வானிலை காரணமாகப் பயிர்கள் கடுமையாகப் பாதிக்கப்பட்டுள்ளதே இதற்கு முக்கியக் காரணமாகக் கூறப்படுகிறது.
உற்பத்தி சரிவுக்கான முக்கியக் காரணங்கள்
1. பருவமழைப் பற்றாக்குறை
ஜூன் 1 முதல் தொடங்கிய தென்மேற்கு பருவமழை வழக்கமான அளவை விட 15 சதவீதம் குறைவாகப் பொழிந்துள்ளது. அதிலும் குறிப்பாக, முக்கிய நெல் ரகங்கள் விளையும் மாநிலங்களில் இப்பற்றாக்குறை 42 சதவீதம் வரை உயர்ந்துள்ளது குறிப்பிடத்தக்கது.
2. மகசூல் பாதிப்பு
நெல் பயிர்கள் முதிர்ச்சியடையும் மிக முக்கியமான காலகட்டத்தில் நீடித்த வறண்ட வானிலை நிலவி வருவதால், தென்னிந்தியா மற்றும் கிழக்கு இந்திய மாநிலங்களில் நெல் மகசூல் மிகக் கடுமையாகப் பாதிக்கப்பட்டுள்ளது.
3. ஒரு கோடி மெட்ரிக் டன் சரிவு
இதன்காரணமாக உற்பத்தி பாதிப்பு காரணமாக, இந்த ஆண்டில் இந்தியாவின் ஒட்டுமொத்த அரிசி உற்பத்தி சுமார் 1 கோடி மெட்ரிக் டன் வரை குறையக்கூடும் என அரிசி ஏற்றுமதியாளர்கள் சங்கம் கணித்துள்ளது.
4. சந்தையில் எதிரொலிக்கும் விலை உயர்வு
அரிசி உற்பத்தி பெருமளவில் குறையும் என்ற எதிர்பார்ப்பின் காரணமாக, சந்தையில் பொன்னி,சோனா மசூரி முதலான பிரீமியம் ரக அரிசிகளின் விலைகள் ஏற்கனவே 50 சதவீதம் வரை உயர்ந்துள்ளதாகத் தகவல்கள் தெரிவிக்கின்றன.
இதன்காரணமாக பொதுமக்கள் மற்றும் வியாபாரிகளிடையே பெரும் கவலையை ஏற்படுத்தியுள்ளது.
இதையும் படிங்க : தவெக அரசின் 12 முக்கிய மசோதாக்கள் : ஆளுநர் அர்லேகர் அதிரடி ஒப்புதல் : 5 நாட்களில் அனுமதி, உற்றுநோக்கும் தமிழகம்...!
=======
