In foreign exchange trading, the value of the Indian rupee rose by 3 paise against the US dollar, settling at ₹95.33. Details on crude oil prices and market conditions!
அமெரிக்கா மற்றும் ஈரான் இடையே ஒப்பந்தம் ஏற்படும் என்ற நம்பிக்கையும், ஹார்முஸ் நீரிணை மீண்டும் திறக்கப்படும் என்ற எதிர்பார்ப்புகளும் மங்கியுள்ள நிலையில், இன்றைய அந்நியச் செலாவணி வர்த்தகத்தில் டாலருக்கு நிகரான இந்திய ரூபாயின் மதிப்பு 3 காசுகள் உயர்ந்து ரூ. 95.33 ஆக நிறைவடைந்ததுள்ளது.
சர்வதேச சந்தை நிலவரம்
உலகளாவிய சந்தையில், ப்ரெண்ட் கச்சா எண்ணெய் (Brent Crude) விலை பீப்பாய் ஒன்றுக்கு 90 டாலரை நோக்கி நகர்வதாக அந்நியச் செலாவணி வர்த்தகர்கள் தெரிவித்து வருகின்றனர்.
இன்றைய வர்த்தகத்தின் ஏற்ற இறக்கங்கள்
வங்கிகளுக்கு இடையிலான அந்நியச் செலாவணி சந்தையில் முழு விவரங்களுடன்:
வர்த்தகத் தொடக்கம்
இந்நிலையில் டாலருக்கு நிகரான இந்திய ரூபாயின் மதிப்பு ரூ. 95.40 என்ற அளவில் வர்த்தகத்தைத் தொடங்கியது.
வர்த்தக வரம்பு
மேலும் நாள் முழுவதும் ரூ. 95.24 முதல் ரூ. 95.43 வரையிலான வரம்பில் சற்று ஏற்ற இறக்கத்துடன் காணப்பட்டது.
வர்த்தக முடிவு
இதைத்தொடர்ந்து இறுதி நேரத்தில், இந்திய ரூபாயின் மதிப்பு முந்தைய நாள் முடிவை விட 3 காசுகள் உயர்ந்து, தற்போது ரூ. 95.33 ஆக வர்த்தகம் நிறைவடைந்தது.
முந்தைய நாள் வர்த்தகத்தில், டாலருக்கு நிகரான இந்திய ரூபாயின் மதிப்பு 6 காசுகள் சரிந்து ரூ. 95.36 ஆக நிறைவடைந்திருந்தது குறிப்பிடத்தக்கது.
இதையும் படிங்க : கோவை கல்லூரி மாணவன் கொலை வழக்கு : 5 பேர் கைது, காவல்துறை தீவிர தேடுதல், அரசு பொறுப்பேற்க உதயநிதி வலியுறுத்தல்..!
======
