Kerala Senior Citizens Protection Bill Legislative Assembly Announcement
கேரளத்தில் ஒரு முதியவர் கூட தனிமையில் விடப்படக் கூடாது என்பதை முதன்மை நோக்கமாக்கி கேரள சட்டசபையில் முதியோர் பாதுகாப்பு மசோதா நேற்று ( 13-10-2026) தாக்கல் செய்யப்பட்டது.
மசோதா தாக்கல் மற்றும் முக்கிய நோக்கம்
இந்த மசோதாவைத் தாக்கல் செய்து பேசிய முதல்வர் வி.டி.சதீசன், முதியோரின் பாதுகாப்பு, உரிமைகள் மற்றும் அவர்களின் கண்ணியமான வாழ்க்கையை இந்த மசோதா முழுமையாக உறுதி செய்யும் எனத் தெரிவித்தார்.
இந்தியாவிலேயே முதன்முறையாக கேரளத்தில் முதியோர் நலனுக்காக தனி அமைச்சகம் ஏற்படுத்தப்பட்டிருப்பது குறிப்பிடத்தக்கது.
கடுமையான தண்டனைகள் மற்றும் கட்டுப்பாடுகள்
முதியோரின் நலனைப் பாதுகாக்கும் வகையில் இந்த மசோதாவில் பல்வேறு கடுமையான நடைமுறைகள் சேர்க்கப்பட்டுள்ளன.
சிறைத்தண்டனை
முதியோரைத் துன்புறுத்தினால் 3 ஆண்டுகள் வரை சிறை தண்டனை விதிக்க இந்த மசோதாவில் வழிவகை செய்யப்பட்டுள்ளது.
சொத்து அபகரிப்பு குற்றம்
முதியோரின் சொத்துக்களை அபகரிக்க முயற்சிப்பதும், அவர்களை வீட்டை விட்டு வெளியேற்றுவதும் சட்டப்படி குற்றமாகக் கருதப்படும்.
அரசின் புதிய நடவடிக்கைகள்
கேரளாவில் உள்ள அனைத்து மூத்த குடிமக்கள் குறித்த தரவுகளும் அரசிடம் தயாராக உள்ளன. இந்த விவரங்களின் அடிப்படையில் பராமரிப்பு தேவைப்படும் முதியவர்கள் உடனடியாக அடையாளம் காணப்படுவார்கள்.
அவர்களுக்குத் தேவையான பாதுகாப்பையும் உரிமைகளையும் அரசு உறுதி செய்யும். மேலும், முதியோரை சரியாகப் பராமரிப்பதற்காகப் பயிற்சி பெற்ற சிறப்புப் பணியாளர்களை உருவாக்கும் வகையில் பயிற்சி வகுப்புகளும் விரைவில் தொடங்கப்படவுள்ளன.
இதையும் படிங்க: கோவில்களுக்குள் செல்போன் கொண்டு செல்ல அனுமதி : ஆனால்? இந்து சமய அறநிலையத்துறை புதிய உத்தரவு..!
===============
