பிரதமர் நரேந்திர மோடியின் பிறந்தநாள் செப்டம்பர் 17-ஆம் தேதி கொண்டாடப்பட உள்ள நிலையில், அதனை முன்னிட்டு பாஜக சார்பில் நாடு முழுவதும் பல்வேறு நிகழ்ச்சிகள் நடத்த திட்டமிடப்பட்டுள்ளது.
இந்த நிலையில், பாஜக தேசிய தலைவர் நிதின் நபின் முக்கிய வேண்டுகோள் ஒன்றை முன்வைத்துள்ளார்.
செப்டம்பர் 17-ஆம் தேதி மாலை 6 மணி முதல் 7 மணி வரை மக்கள் தங்கள் வீடுகளில் விளக்கு ஏற்றி மோடியின் நீண்ட ஆயுளுக்கும் நல்ல உடல்நலத்திற்கும் பிரார்த்தனை செய்ய வேண்டும் என்று அவர் கேட்டுக்கொண்டுள்ளார்.
இந்த நிகழ்ச்சிக்கு "ஆசீர்வாத தீபம்" என்று பெயரிடப்பட்டுள்ளது. நாடு முழுவதும் கோடிக்கணக்கான மக்கள் இதில் பங்கேற்க வேண்டும் என்றும், குடும்பத்துடன் சேர்ந்து விளக்கு ஏற்றி வாழ்த்து தெரிவிக்க வேண்டும் என்றும் பாஜக வலியுறுத்தியுள்ளது.
மோடியின் பொதுவாழ்வின் 25 ஆண்டுகளை முன்னிட்டு இந்த ஆண்டு சிறப்பு நிகழ்ச்சிகள் ஏற்பாடு செய்யப்பட்டுள்ளன.
கடந்த பல ஆண்டுகளாக அரசியல் மற்றும் நிர்வாக பொறுப்புகளில் இருந்த மோடியின் சேவையை நினைவுகூரும் வகையில் இந்த நிகழ்வுகள் நடைபெற உள்ளதாக கூறப்படுகிறது.
செப்டம்பர் 17 முதல் அக்டோபர் 17 வரை ஒரு மாத காலத்திற்கு ரத்ததான முகாம்கள், மரக்கன்று நடுதல், நலத்திட்ட உதவிகள் உள்ளிட்ட பல்வேறு சேவை நிகழ்ச்சிகளையும் பாஜக நடத்த திட்டமிட்டுள்ளது.
மோடியின் நீண்ட ஆயுளுக்காக வீடுகளில் விளக்கு ஏற்ற வேண்டும் என்ற இந்த அழைப்பு தற்போது அரசியல் வட்டாரங்களிலும் சமூக வலைதளங்களிலும் கவனத்தை ஈர்த்துள்ளது.
இந்த நிகழ்ச்சியில் எத்தனை பேர் பங்கேற்கிறார்கள் என்பது தற்போது எதிர்பார்ப்பை ஏற்படுத்தியுள்ளது.
==================
