100 Years of UPSC : IAS, IPS அதிகாரிகளை உருவாக்கிய நூற்றாண்டு பயணம் : 1926ல் தொடங்கப்பட்ட அமைப்பு!

UPSC இன்று 100 ஆண்டு நிறைவு :

இந்தியாவில் IAS, IPS, IFS உள்ளிட்ட உயரிய அரசு பணிகளுக்கான அதிகாரிகளை தேர்வு செய்யும் யூனியன் பப்ளிக் சர்வீஸ் கமிஷன் (UPSC), இன்று தனது 100-வது ஆண்டை நிறைவு செய்துள்ளது.

1926 ஆம் ஆண்டு அக்டோபர் 1-ஆம் தேதி தொடங்கப்பட்ட இந்த அமைப்பு, தற்போது இந்தியாவின் மிக முக்கியமான அரசியலமைப்பு அமைப்புகளில் ஒன்றாக வளர்ந்துள்ளது.

1926-ல் தொடங்கப்பட்ட UPSC :

பிரிட்டிஷ் ஆட்சிக் காலத்தில் 1926 அக்டோபர் 1-ஆம் தேதி "Public Service Commission" என்ற பெயரில் இந்த அமைப்பு தொடங்கப்பட்டது.

பின்னர் 1937-ல் Federal Public Service Commission ஆக மாற்றப்பட்டு, இந்திய அரசியலமைப்பு அமலுக்கு வந்த பிறகு 1950 ஜனவரி 26 முதல் Union Public Service Commission (UPSC) என பெயர்மாற்றம் செய்யப்பட்டது.

IAS, IPS அதிகாரிகளை உருவாக்கும் அமைப்பு :

இந்திய நிர்வாக சேவை (IAS), இந்திய காவல் சேவை (IPS), இந்திய வெளியுறவு சேவை (IFS) உள்ளிட்ட பல்வேறு மத்திய அரசு உயர்பதவிகளுக்கான தேர்வுகளை UPSC நடத்தி வருகிறது.

ஆண்டுதோறும் லட்சக்கணக்கான இளைஞர்கள் UPSC தேர்வில் பங்கேற்று நாட்டின் உயரிய நிர்வாகப் பணிகளில் சேரும் கனவை நோக்கி பயணிக்கின்றனர்.

நூற்றாண்டு விழா கொண்டாட்டம் :

UPSC-யின் 100-வது ஆண்டு நிறைவை முன்னிட்டு டெல்லி பாரத் மண்டபத்தில் இரண்டு நாள் சிறப்பு நிகழ்ச்சிகள் நடத்தப்பட்டன.

இதில் பிரதமர் நரேந்திர மோடி பங்கேற்று UPSC நூற்றாண்டை நினைவுகூரும் சிறப்பு நாணயம், அஞ்சல் தலை மற்றும் "100 Landmark Judgements" என்ற புத்தகத்தையும் வெளியிட்டார்.

தேர்வு முறையில் மாற்றங்கள் வருமா?

நூற்றாண்டு விழாவில் பேசிய UPSC தலைவர் டாக்டர் அஜய் குமார், எதிர்காலத்தில் தேர்வர்கள் மனப்பாட திறனை விட, Reasoning, Spontaneous Thinking மற்றும் Judgment போன்ற திறன்களை மதிப்பிடும் வகையில் தேர்வு முறைகளை மேம்படுத்துவது குறித்து ஆலோசித்து வருவதாக தெரிவித்துள்ளார்.

இருப்பினும் தற்போது தேர்வு முறை அல்லது பாடத்திட்டத்தில் எந்த மாற்றமும் அறிவிக்கப்படவில்லை.

அடுத்த 100 ஆண்டுகளை நோக்கி UPSC :

"Trust, Transparency, Technology" என்ற மூன்று முக்கிய கொள்கைகளை அடிப்படையாக கொண்டு UPSC தனது அடுத்த கட்ட பயணத்தை முன்னெடுக்க திட்டமிட்டுள்ளது. டிஜிட்டல் தொழில்நுட்பம், முகஅடையாள சரிபார்ப்பு மற்றும் தேர்வு வெளிப்படைத்தன்மையை அதிகரிக்கும் நடவடிக்கைகளும் மேற்கொள்ளப்பட்டு வருகின்றன.

இந்திய இளைஞர்களின் கனவு :

ஒரு நூற்றாண்டாக திறமை, வெளிப்படைத்தன்மை மற்றும் சம வாய்ப்பை அடிப்படையாகக் கொண்டு அதிகாரிகளை தேர்வு செய்து வரும் UPSC, இன்று கோடிக்கணக்கான இந்திய இளைஞர்களின் கனவு இலக்காக உள்ளது.

100 ஆண்டுகளை நிறைவு செய்துள்ள இந்த அமைப்பு, இந்திய நிர்வாகத்தின் முதுகெலும்பாக தொடர்ந்து செயல்பட்டு வருகிறது.

======================