தீபத் தூணில் ஒளிரப் போகும் கார்த்திகை தீபம் : திருப்பரங்குன்றம் வழக்கில் உச்ச நீதிமன்றத்தில் உத்தரவு, முழு விபரம்!

திருப்பரங்குன்றம் தீபத் தூணில் கார்த்திகை திருநாள் அன்று தீபம் ஏற்ற, நிபந்தனைகளுடன் அனுமதி வழங்கி இருக்கிறது உச்ச நீதிமன்றம்.
Supreme Court granted permission, subject to certain conditions, to light a lamp on the *deepa thoon*
Supreme Court granted permission, subject to certain conditions, to light a lamp on the *deepa thoon* source:thamizhalai,ai generated
1 min read

தீபத் தூண் வழக்கு - இடைக்கால உத்தரவு

திருப்பரங்குன்றம் தூணில் தீபம் ஏற்றுவது தொடர்பான வழக்கில் இன்று இடைக்கால உத்தரவை பிறப்பித்த உச்ச நீதிமன்றம், மிகக் கவனத்துடன் பல்வேறு நிபந்தனைகளையும், இடைக்கால உத்தரவையும் பிறப்பித்துள்ளது.

உயர்நீதிமன்ற உத்தரவுக்கு தடை

திருப்பரங்குன்றம் தீபத் தூணில் தீபம் ஏற்ற அனுமதித்து சென்னை உயர்நீதிமன்ற மதுரை அமர்வு வழங்கிய தீர்ப்புக்கு இடைக்காலத் தடை விதித்ததோடு, இந்த வழக்குத் தொடர்பான முக்கிய ஆவணங்களை தாக்கல் செய்ய ஆறு வார கால அவகாசத்தையும் வழங்கி நீதிபதிகள் அரவிந்த் குமார் மற்றும் விபுல் எம். பஞ்சோலி அடங்கிய உச்சநீதிமன்ற அமர்வு உத்தரவிட்டுள்ளது.

சபரிமலை வழக்கோடு ஒப்பீடு

சபரிமலை ஐயப்பன் கோயில் வழக்கில் உச்ச நீதிமன்றம் அளித்த தீர்ப்புடன் இந்த வழக்கை ஒப்பிட்டுப் பார்த்து தீர்ப்பு வழங்க வேண்டும் என்று நினைக்கிறோம் என அடிக்கோலிட்டுக் காண்பித்திருக்கிறார்கள்.

இந்த ஆண்டு மட்டும் தான் அனுமதி

இன்று பிறப்பிக்கும் இடைக்கால உத்தரவு, வழக்கில் தீர்ப்பளிக்கப்படுவதற்கு கால அவகாசம் ஆகும்பட்சத்தில், தன்னிச்சையாக அடுத்த ஆண்டும் தீபம் ஏற்றிக் கொள்ளலாம் என்பது கருத்தில் கொள்ளப்படும் என்பதால், இந்த ஆண்டு கார்த்திகை தீபம் அன்று ஒரே ஒரு நாள் மட்டுமே தீபம் ஏற்றிக் கொள்ள அனுமதி வழங்கப்படுகிறது

ஆட்சியர் முடிவெடுக்க உத்தரவு

தீபம் ஏற்ற அனுமதி வழங்கப்பட்டுள்ள நிலையில், மதுரை மாவட்ட ஆட்சியர், காவல்துறை, தொல்லியல் துறை அதிகாரிகள் இணைந்து, யார் யார் தீபம் ஏற்ற அனுமதிக்கப்படலாம் என்பதை உறுதி செய்ய வேண்டும்,

அங்கீகரிப்பட்ட நபர்களுக்கு மட்டுமே அனுமதி

அங்கீகரிக்கப்பட்ட நபர்கள் மட்டுமே விளக்கு ஏற்றும் இடத்துக்கு செல்ல வேண்டும். வேறு யாரும் அங்கே செல்லக் கூடாது என்ற முக்கிய நிபந்தனையை விதித்துள்ளனர்.

அது மட்டுமல்லாமல், திருப்பரங்குன்றம் கோவில் நிர்வாகிகள் மற்றும் அரசு அதிகாரிகள் மட்டுமே தீபத் தூணில் தீபம் ஏற்றும் நிகழ்வில பங்கேற்க வேண்டும். இவர்களை மதுரை மாவட்ட ஆட்சியரே தேர்வு செய்வார்.

கார்த்திகைத் தீபத் திருநாள் அன்று மட்டும் தீபம் ஏற்ற அனுமதி வழங்கப்பட்டுள்ளது.

உரிய பாதுகாப்பு ஏற்பாடுகளை காவல் ஆணையர் செய்ய வேண்டும்.

இது இடைக்கால உத்தரவு மட்டுமே, வழக்கில் விசாரணை நடைபெற்று தீர்ப்பளிக்கப்படும். தீர்ப்பளிக்க கால அவகாசம் ஆகும் பட்சத்தில், அடுத்த ஆண்டுக்கு இந்த உத்தரவு பொருந்தாது.

இந்த ஒரே ஒரு கார்த்திகை தீபத்துக்கு மட்டுமே இந்த உத்தரவு பொருந்தும் என்றும் உச்ச நீதிமன்றம் உத்தரவிட்டுள்ளது.

===============