திருப்பதி ஏழுமலையான் கோவில்
Tirupati temple administration (TTD) decided to give priority to common people in Ezhumalayan Darshan : உலகப் புகழ் பெற்ற திருப்பதி-திருமலை ஏழுமலையான் கோவிலுக்கு ஆண்டு தோறும் லட்சக் கணக்கானோர் வந்து, காணிக்கை செலுத்தி பெருமாளை சேவித்து செல்கின்றனர்.
சாமான்ய பக்தர்கள் - முதல் சாய்ஸ்
இந்தநிலையில், திருமலை திருப்பதி தேவஸ்தானத்தில் சாமானியர்களுக்கு முன்னுரிமை வழங்க பல்வேறு நடவடிக்கைகள் தொடர்ந்து மேற்கொள்ளப்பட்டு வருகின்றன.
குலுக்கல் முறையில் டிக்கெட்
கடந்த ஆண்டு பிரம்மோற்சவத்தை சிறப்பான நடத்திய தேவஸ்தானம், 28 மாநிலங்களை சேர்ந்த 6,976 கலைஞர்களை பங்கேற்க செய்து, கலை நிகழ்ச்சிகளை நடத்தியது.
முதன்முதலாக இந்த முறை வைகுண்ட ஏகாதசிக்கு முதல் 3 நாட்கள் குலுக்கல் முறையில் ஆன்லைன் டிக்கெட்டுகளை வழங்கி, சிறப்பாக தரிசன ஏற்பாடுகளை செய்து இருந்தது. இது பக்தர்கள் இடையே பெரும் வரவேற்பை பெற்றது.
சாமான்ய மக்களுக்கே முன்னுரிமை
மீதமுள்ள 7 நாட்களும் சாமானிய பக்தர்களுக்கே முன்னுரிமை வழங்கப்பட்டது. 10 நாட்களில் 7.83 லட்சம் பக்தர்கள் சுவாமியை தரிசித்தனர். இதேபோல் ரத சப்தமிக்கும் சுமார் 3 லட்சம் பக்தர்கள் வாகன சேவைகளை கண்டுகளித்தனர்.
பக்தர்களுக்கு அன்னதானம்
1985 முதல் திருப்பதி தேவஸ்தான் பக்தர்களுக்கு அன்னதானம் வழங்கி வருகிறது. தற்போது தினமும் சராசரியாக 2 லட்சம் பக்தர்களுக்கு தரமான அன்னபிரசாதம் வழங்கப்பட்டு வருகிறது.
கோவையில் ஏழுமலையான் கோவில்
கோயமுத்தூர், மும்பை, கர்நாடகா, அசாம், உள்ளிட்ட இடங்களில் வரும் ஜூன் மாதத்திற்குள் ஏழுமலையான் கோயில் கட்ட பூமி பூஜை நடத்தப்படும்.
கோயமுத்தூரில் ரூ.300 கோடியில் ஏழுமலையான் கோயில் கட்ட நிதி உதவி செய்ய பக்தர் ஒருவர் முன் வந்துள்ளார்.
விஐபி பிரேக் தரிசனம் குறைப்பு
ஏழுமலையான் கோவிலில் சாமானிய பக்தர்களுக்கு முன்னுரிமை அளிக்கும் வகையில், விஐபி பிரேக் தரிசனம் மற்றும் சிறப்பு தரிசனங்கள் குறைக்கப்பட்டு, சர்வ தரிசனத்திற்கு (இலவச தரிசனம்) முக்கியத்துவம் அளிக்கப்படுகிறது.
சாமான்ய பக்தர்களுக்கே முன்னுரிமை
* விஐபி பரிந்துரை கடிதங்கள் குறைக்கப்பட்டு, நேரடியாக வரும் பக்தர்களுக்கு அதிக நேரம் ஒதுக்கீடு.
* வைகுண்ட ஏகாதசி போன்ற பண்டிகை காலங்களில், 10 நாட்களுக்கு மேல் சாதாரண பக்தர்களுக்கே முன்னுரிமை
* விஐபிகளுக்கான முன் பதிவு குறைக்கப்பட்டு, சாதாரண பக்தர்களுக்கு தங்குமிடம் (CRO) ஒதுக்கீட்டில் முக்கியத்துவம்
* லட்டு பிரசாதம் தட்டுப்பாடு இன்றி கிடைக்கவும், அன்னதானம் வழங்கவும் ஏற்பாடுகள்
==============
