Tamil Nadu Ranks First In National UDISE Plus School Education Report 2026
பள்ளி மாணவர் சேர்க்கை, இடைநிற்றல் குறைவு, உள்கட்டமைப்பு வசதிகள் உள்ளிட்ட பள்ளிக் கல்வியின் பல்வேறு முக்கியக் குறியீடுகளில் தேசிய அளவில் தமிழகம் சிறந்து விளங்குவதாக மத்திய அரசின் அண்மைக்கால ஆய்வறிக்கை உறுதிப்படுத்தியுள்ளது.
UDISE+ ஆய்வறிக்கை
மத்திய கல்வி அமைச்சகம் ஆண்டுதோறும் வெளியிடும் 'ஒருங்கிணைந்த மாவட்ட கல்வி தகவல் மேலாண்மை' (UDISE+) எனப்படும் 2025-26ஆம் கல்வியாண்டுக்கான அறிக்கை அண்மையில் வெளியிடப்பட்டது.
இது குறித்து பள்ளிக் கல்வித்துறை செயலாளர் பி.சந்தரமோகன் வெளியிட்ட செய்திக் குறிப்பில், தமிழகத்தின் வளர்ச்சி விவரங்கள் சுட்டிக்காட்டப்பட்டுள்ளன.
தமிழகப் பள்ளிக் கல்வியின் தற்போதைய புள்ளிவிவரங்கள்
யுடிஜிஎஸ்இ அறிக்கையின்படி, தமிழ்நாட்டின் தற்போதைய கல்வி நிலவரம் பின்வருமாறு அமைந்துள்ளது.
பள்ளிகளின் எண்ணிக்கை: 57,566 பள்ளிகள்.
மாணவர்கள் எண்ணிக்கை: 1 கோடியே 24 லட்சத்து 2,872 மாணவர்கள்.
ஆசிரியர்கள் எண்ணிக்கை: 5 லட்சத்து 69,909 ஆசிரியர்கள்.
பள்ளி சராசரி: தமிழகத்தில் ஒரு பள்ளிக்கு சராசரியாக 215 மாணவர்கள் மற்றும் 10 ஆசிரியர்கள் உள்ளனர்.
தேசிய சராசரியை முறியடித்த மாணவர்-ஆசிரியர் விகிதம்
தமிழ்நாட்டின் மாணவர்-ஆசிரியர் விகிதம் 22:1 என்ற மிகச் சிறந்த அளவில் உள்ளது. இது தேசிய சராசரியான 24:1 என்ற விகிதத்தை விட மிகவும் சிறப்பானது ஆகும்.
தேசிய அளவில் ஒரு பள்ளிக்குச் சராசரியாக 169 மாணவர்கள் மட்டுமே உள்ள நிலையில், தமிழகத்தில் இந்த அளவு 215 ஆக உயர்ந்து உள்கட்டமைப்பு திறம்படப் பயன்படுத்தப்படுவதை உணர்த்துகிறது.
பூஜ்ஜிய சதவீத இடைநிற்றல்
தமிழகக் கல்வித்துறையின் மிக முக்கிய சாதனையாக மாணவர்களின் இடைநிற்றல் குறைப்பு பார்க்கப்படுகிறது.
தொடக்க மற்றும் நடுநிலை: தொடக்க நிலை மற்றும் நடுநிலைப் பள்ளிகளில் மாணவர்களின் இடைநிற்றல் விகிதம் 0% ஆக பதிவாகி வரலாற்று சாதனை படைக்கப்பட்டுள்ளது.
இடைநிலைக்கல்வி: இடைநிலைக்கல்வியில் இடைநிற்றல் வெறும் 6.2% மட்டுமே. இது தேசிய சராசரியான 9.5% என்ற அளவை விட மிக மிகக் குறைவாகும்.
பல்வேறு நிலைகளில் மொத்த சேர்க்கை விகிதம்
மாணவர் சேர்க்கை விகிதத்திலும் தமிழகம் தேசிய அளவில் முன்னணியில் நீடிக்கிறது.
தொடக்கநிலை: 92.2%
நடுநிலைப்பள்ளிகள்: 95.2%
இடைநிலை நிலை: 97.4%
மேல்நிலைப்பள்ளிகள்: 85.1%
மத்திய அரசின் வலுவான அங்கீகாரம்
தமிழக அரசின் சிறப்பான செயல்பாடு
மாணவர்களின் முழுமையான வளர்ச்சியை நோக்கமாகக் கொண்டு தரமான கல்வி, தொழில்நுட்பத் திறன் மேம்பாடு மற்றும் பத்தாம் வகுப்புக்குப் பிந்தைய கல்வி தொடர்ச்சி போன்ற பணிகளைத் தமிழக அரசு தொடர்ந்து மேற்கொண்டு வருகிறது.
இத்தகைய தொடர் முயற்சிகளுக்கு மத்திய அரசின் இந்த அதிகாரப்பூர்வ ஆய்வறிக்கை ஒரு வலுவான அங்கீகாரமாக அமைந்துள்ளது என செய்திக் குறிப்பில் தெரிவிக்கப்பட்டுள்ளது.
=====
