தேர்தல் வாக்குறுதிகள்
DMK Election Manifesto 2026 : தமிழகத்தை பொருத்தவரை ஒவ்வொரு சட்டமன்ற தேர்தலின் போது அதிமுக, திமுக அளிக்கும் தேர்தல் அறிக்கைகள் முக்கிய கவனம் பெறுகின்றன. இவையே வெற்றி, தோல்வியை தீர்மானிக்கின்றன.
அந்த வகையில் 2026 சட்டமன்ற தேர்தலை ஒட்டி முதலில் தேர்தல் அறிக்கை வெளியிட்ட நாம் தமிழர் கட்சி இலவசங்கள் என்ற பெயரில் எந்த உறுதிமொழியும் அளிக்கவில்லை. அதிமுக தேர்தல் அறிக்கையில் இலவச வாக்குறுதிகள் இருந்தன. தமிழக வெற்றிக் கழகத்தின் அறிக்கையிலும், இவை இடம் பெற்றன.
திமுக தேர்தல் அறிக்கை
இந்தநிலையில் ஆளுங்கட்சியான திமுக தேர்தல் அறிக்கையை வெளியிட்டது. மொத்தம் 517 வாக்குறுதிகள் அதில் இடம்பெற்று இருக்கின்றன.
571 வாக்குறுதிகள்
* வருமான வரி செலுத்தாத குடும்பத்தை சேர்ந்த இல்லத்தரசிகளுக்கு வாஷிங் மெஷின், டிவி, பிரிட்ஜ், மிக்சி, மைக்ரோவேவ் அவன், மின் அடுப்புகள் போன்ற வீட்டு உபயோக பொருட்கள் வாங்க ரூ.8 ஆயிரம் மதிப்பில் கூப்பன் வழங்கும் 'இல்லத்தரசி' திட்டம்.
* முதல்வரின் காலை உணவு திட்டம் 8ம் வகுப்பு வரை விரிவுபடுத்தப்படும்.
* 1.31 கோடி சகோதரிகள் பெற்று வரும் மகளிர் உரிமைத் தொகை ரூ.1,000-ல் இருந்து ரூ.2,000 ஆக உயர்த்தி வழங்கப்படும்.
* இலவச மின்சாரம் பெறும் 20 லட்சத்துக்கும் மேற்பட்ட விவசாயிகளுக்கு நவீன மின் பம்ப்செட் வழங்கப்படும்.
* அடுத்த 5 ஆண்டுகளில் 10 லட்சம் புதிய வீடுகள் கட்டித் தரப்படும்.
* முதல்வரின் மருத்துவக் காப்பீடு திட்டத்தில் சேர்க்கப்படுவதற்கான வருமான வரம்பு ரூ.5 லட்சமாகவும், காப்பீட்டுத்தொகை ரூ.10 லட்சமாகவும் உயர்த்தப்படும்.
* நெல் கொள்முதல் விலை குவின்டாலுக்கு ரூ.3500, கரும்பு கொள்முதல் விலை டன்னுக்கு ரூ.4,500 ஆக உயர்த்தி வழங்கப்படும்.
* பால் கொள்முதல் விலை லிட்டருக்கு ரூ.5 உயர்த்தி வழங்கப்படும்.
* முதியோர் உதவித்தொகை ரூ.1,200-ல் இருந்து ரூ.2 ஆயிரமாக உயர்த்தப்படும்.
* மாற்றுத் திறனாளிகளுக்கான உதவித்தொகை ரூ.1,500-ல் இருந்து ரூ.2,500 ஆக உயர்த்தப்படும்.
* மீன்பிடி தடைக்கால சிறப்பு நிவாரணத் தொகை ரூ.8 ஆயிரத்தில் இருந்து ரூ.12 ஆயிரமாகவும், மீன்பிடி குறைவு கால சிறப்பு நிவாரணத்தொகை ரூ.6 ஆயிரத்தில் இருந்து ரூ.9 ஆயிரமாகவும் உயர்த்தப்படும்.
* சுயஉதவிக் குழு உறுப்பினராக இருக்கும் பெண்களை, தொழில் முனைவோராக முன்னேற்ற பிணையின்றி ரூ.5 லட்சம் வரை மானியத்துடன் கடன் வழங்கப்படும்.
* மாதாந்திர உதவித்தொகை: 'புதுமைப் பெண்' மற்றும் 'தமிழ் புதல்வன்' திட்டங்களின் கீழ் மாணவர்களுக்கு வழங்கப்படும் ரூ.1000 உதவித்தொகை ரூ.1500 ஆக உயர்த்தப்படும்.
* இலவச லேப்டாப்: உயர்கல்வி பயிலும் 35 லட்சம் மாணவர்களுக்கு இலவச மடிக்கணினிகள் வழங்கப்படும்.
* தமிழகத்தில் உள்ள 1.5 லட்சம் காலிப் பணியிடங்கள் நிரப்பப்படும்
* உயர்கல்வி முடித்த 5 லட்சம் மாணவர்களுக்கு உதவித்தொகை வழங்கப்படும்
* அனைத்து அரசு கல்லூரிகளிலும் இலவச வைஃபை வசதி ஏற்படுத்தப்படும்.
* பால் கொள்முதல் விலை லிட்டருக்கு ரூ.5 உயர்த்தப்படும்.
* அடுத்த 5 ஆண்டுகளில் 10,000 புதிய பேருந்துகள் வாங்கப்படும்.
* ரூ.10,000 கோடி மதிப்பில் 15,000 கி.மீ சாலைகள் சீரமைக்கப்படும்.
* தொழில்துறை வளர்ச்சிக்காக ரூ.18 லட்சம் கோடி அந்நிய முதலீடு ஈர்க்கப்படும்
* தகவல் தொழில்நுட்ப ஏற்றுமதி ரூ.5 லட்சம் கோடியாக உயர்த்தப்படும்
* சென்னையில் செம்மொழி மாநாடு நடத்தப்படும்
* 5000 திருக்கோயில்களில் குடமுழக்கு நடத்தப்படும்
இவ்வாறு 517 வாக்குறுதிகளோடு, தேர்தல் அறிக்கையை திமுக வெளியிட்டு இருக்கிறது.
================
