ஈரோடு மாவட்டம் பெருந்துறையில் நடைபெற்ற அரசு விழாவில், முதல்வர் ஜோசப் விஜய் பங்கேற்று மகளிர் சுயஉதவிக் குழுக்கள் மற்றும் பொதுமக்களுக்கு பல்வேறு நலத்திட்ட உதவிகளை வழங்கினார்.
மேலும், முடிவடைந்த வளர்ச்சி பணிகளை தொடங்கி வைத்ததுடன், புதிய திட்டங்களுக்கும் அடிக்கல் நாட்டினார்.
இந்த நிகழ்ச்சியில் ரூ.3,000 கோடி மதிப்பிலான நலத்திட்ட உதவிகள் வழங்கப்பட்டதாகத் தகவல்கள் வெளியாகியுள்ளன.
இந்த நிகழ்ச்சியின் முக்கிய அம்சமாக, மகளிர் சுயஉதவி குழுக்களுக்கு வங்கி கடனுதவிகள் வழங்கப்பட்டன.
குறிப்பாக, 9,000 மகளிர் சுயஉதவிக் குழுக்களுக்கு ரூ.1,110 கோடி மதிப்பிலான கடனுதவிகள் வழங்கப்பட்டதாக தெரிவிக்கப்பட்டுள்ளது.
பெண்கள் சுயதொழில் தொடங்கவும், ஏற்கெனவே நடத்தி வரும் தொழில்களை விரிவுபடுத்தவும் இந்தக் கடனுதவிகள் உதவும் என எதிர்பார்க்கப்படுகிறது.
இந்த நிகழ்ச்சியில் ஈரோடு மட்டுமின்றி, தமிழகத்தின் பல்வேறு மாவட்டங்களை சேர்ந்த மகளிர் சுயஉதவிக் குழுக்களும் பங்கேற்றன.
மொத்தம் 13 மாவட்டங்களை சேர்ந்த பெண்கள் இந்த நலத்திட்ட உதவிகள் மூலம் பயன்பெறுகின்றனர்.
பெண்களின் பொருளாதார முன்னேற்றத்தையும், சுயதொழில் வாய்ப்புகளையும் ஊக்குவிக்கும் வகையில் இந்த உதவிகள் வழங்கப்பட்டுள்ளன.
இதனை தொடர்ந்து, ஈரோடு மாவட்டத்தில் நிறைவடைந்த பல்வேறு வளர்ச்சி திட்டப் பணிகளை முதல்வர் ஜோசப் விஜய் தொடங்கி வைத்தார்.
மேலும், புதிய திட்ட பணிகளுக்கு அடிக்கல் நாட்டியதுடன், பல்வேறு துறைகள் சார்பில் பொதுமக்களுக்கும் நலத்திட்ட உதவிகளை வழங்கினார்.
அரசு விழாவில் பங்கேற்ற முதல்வர், மகளிர் சுயஉதவிக் குழு உறுப்பினர்கள் மற்றும் பொதுமக்களுடன் கலந்துரையாடினார்.
அவர்களின் கோரிக்கைகள் மற்றும் கருத்துகளையும் கேட்டறிந்தார்.
முதல்வரின் வருகையை முன்னிட்டு பெருந்துறை பகுதியில் பாதுகாப்பு ஏற்பாடுகள் செய்யப்பட்டிருந்தன. வழிநெடுகிலும் பொதுமக்களும் கட்சித் தொண்டர்களும் அவருக்கு வரவேற்பு அளித்தனர்.
================