Criminal cases against 14 Chief Ministers in India: Tamil Nadu CM Vijay ranks 3rd in asset list – ADR report!
ADR வெளியிட்ட ஆய்வறிக்கை
இந்தியாவில் உள்ள மாநில முதல்வர்களின் சொத்து விவரங்கள் மற்றும் அவர்கள் மீதான வழக்குகள் குறித்த விரிவான ஆய்வறிக்கையை ஜனநாயக சீர்திருத்த அமைப்பு (ADR) வெளியிட்டுள்ளது.
நாடு முழுவதும் உள்ள மொத்தம் 31 முதல்வர்களில், சுமார் 45 சதவீதம் பேரின் மீதான வழக்கு விவரங்கள் மற்றும் அவர்களின் பொருளாதார நிலவரங்கள் இந்த அறிக்கையில் தெரியவந்துள்ளன.
14 முதல்வர்கள் மீது நிலுவையில் உள்ள வழக்குகள்
நாட்டின் 31 முதல்வர்களில் 14 பேர் (45%) மீது பல்வேறு குற்ற வழக்குகள் நிலுவையில் உள்ளன.
இதில் 11 முதல்வர்கள் மீது 5 ஆண்டுகளுக்கு மேல் தண்டனை கிடைக்கக்கூடிய தீவிரமான குற்ற வழக்குகள், கடத்தல், தாக்குதல் நடத்துதல், பெண்களுக்கு எதிரான குற்றங்கள் மற்றும் ஊழல் தடுப்பு சட்டப் பிரிவுகளின் கீழ் வழக்குகள் பதிவு செய்யப்பட்டுள்ளன.
இரு மாநில முதல்வர்கள் மீது கொலை முயற்சி வழக்குகள் பதிவாகியுள்ளன.
சொத்துப் பட்டியல் நிலவரம்
இந்தியாவில் உள்ள அனைத்து முதல்வர்களின் சராசரி சொத்து மதிப்பு ரூ.118.07 கோடி ஆகும். மொத்தமுள்ள முதல்வர்களில் 4 பேரின் சொத்து மதிப்பு ரூ.100 கோடிக்கும் அதிகமாக உள்ளது.
அதிக சொத்துள்ள முதல்வர்கள்
டி. சிவக்குமார் (கர்நாடக முதல்வர்) -ரூ.1,413 கோடி
சந்திரபாபு நாயுடு (ஆந்திர முதல்வர்) - ரூ.931 கோடி
ஜோசப் விஜய் (தமிழக முதல்வர்) - ரூ.648 கோடி
பீமா கண்டு (அருணாச்சல முதல்வர்) - ரூ.332 கோடி
குறைவான சொத்துள்ள முதல்வர்கள்
சுவேந்து அதிகாரி (மேற்கு வங்க முதல்வர்) - ரூ.85 லட்சம்
பஜன் லால் சர்மா (ராஜஸ்தான் முதல்வர்) - ரூ.1.46 கோடி
ஓமர் அப்துல்லா (ஜம்மு காஷ்மீர் முதல்வர்) - ரூ.55.24 கோடி
மேலும் நாட்டின் 31 மாநில மற்றும் யூனியன் பிரதேச முதல்வர்களில், தில்லி முதல்வர் ரேகா குப்தா மட்டுமே ஒரே பெண் முதல்வராகப் பொறுப்பில் உள்ளார் என்பது குறிப்பிடத்தக்கது.
=====
