”சீமானுக்கு ஆதரவில்லை” : அம்பாசமுத்திரத்தில் திமுக தான் போட்டி : டி.கே.எஸ். இளங்கோவன் திட்டவட்டம்...!

TKS Elangovan of the DMK has stated categorically that there will be no support for Seeman in the Ambasamudram constituency by-election.

ஐந்து தொகுதி இடைத்தேர்தல்

திருச்சி கிழக்கு, பெருந்துறை, அம்பாசமுத்திரம், விராலிமலை, கரூர் ஆகிய 5 தொகுதிகளில் விரைவில் இடைத்தேர்தல் நடைபெறும் என்று கூறப்படுகிறது. இதற்கான அறிவிப்பினை தேர்தல் ஆணையம், தீபாவளிக்கு பிறகு வெளியிடும் எனத் தெரிகிறது.

அம்பாசமுத்திரம் - சீமான் போட்டி

இதில் அம்பாசமுத்திரம் தொகுதியில போட்டியிட இருக்கிறதா, நாம் தமிழர் கட்சியோட ஒருங்கிணைப்பாளர் சீமான் அறிவிச்சாரு. தன்னை பொது வேட்பாளரா ஏத்துக்கிட்டு திமுக, அதிமுக ஆதரவு தந்தாலும் அதை ஏற்க தயார் அப்படின்னு அவர் சொன்னாரு.

திமுக ஆதரவா? - ஸ்டாலின் சூசகம்

இதுபத்தி கருத்து தெரிவிச்ச திமுக தலைவர் ஸ்டாலின், தேர்தல் அறிவிப்பு வரட்டும் பிறகு முடிவு செய்யலாம்ன்னு சூசகமா தெரிவிச்சு இருந்தாரு.

அப்படின்னா, இடைத்தேர்தலில் திமுக போட்டியிடாம, சீமானை பொது வேட்பாளரா ஏத்துக்குதா அப்படிங்க எதிர்பார்ப்பு எழுந்தது. அதிமுக நிலைப்பாடு எப்படி இருக்கும்ங்க கேள்வியும் எழுந்துச்சு.

யூகத்துக்கு திமுக முற்றுப்புள்ளி

இந்த யூகத்துக்கு முற்றுப்புள்ளி வச்சு இருக்கு திமுக. செய்தியாளர்களிடம் பேசிய அக்கட்சியோட செய்தி தொடர்பு குழுத் தலைவர் டிகேஎஸ் இளங்கோவன், மதுராந்தகம், தாராபுரத்தில திமுக குறைந்த வாக்குகள் வித்தியாசத்தில் தான் வெற்றியை தவற விட்டது.

இடைத்தேர்தலில் திமுக போட்டியிடும்

எனவே, விரைவில் நடைபெற உள்ள 5 தொகுதி இடைத் தேர்தல்களிலும் திமுகதான் போட்டியிடும். இதில் எங்களுக்கு வெற்றி கிடைப்பது உறுதி.

வெற்றி வாய்ப்பு உறுதி

பல்வேறு துறைகளில் விஜய் அரசு தோல்வி கண்டு இருக்கு. பிரச்சினைகள் இடைத்தேர்தலில் எதிரொலிக்கும். சீமான் திராவிட இயக்கத்துக்கு எதிராக கட்சி தொடங்கி, திமுகவை கடுமையாக விமர்சிச்சு வந்தவரு.

சீமானை ஆதரிக்க மாட்டோம்

எனவே, அம்பாசமுத்திரம் தொகுதியில் அவருக்கு ஆதரவு அளிக்கும் எண்ணம் திமுகவுக்கு இல்லை. எங்களுக்கே வெற்றி வாய்ப்பு பிரகாசமாக இருக்கும்போது, நாங்கள் ஏன் சீமானை ஆதரிக்க வேண்டும் அப்படின்னு அடிச்சு சொல்லு இருக்காரு.

அதிமுகவும் போட்டியிட வாய்ப்பு

எனவே, இடைத்தேர்தல்களில் திமுக போட்டியிடுவது உறுதியாகி இருக்கு. அதிமுகவும் தன் பங்கிற்கு வேட்பாளர்களை நிறுத்தும் என்பதால், பொது வேட்பாளர் என்ற பேச்சுக்கே இடமிருக்காது எனத் தெரிகிறது.

சீமானோட எதிர்பார்ப்பு் நடக்காது என்பதை திமுக உறுதிப்படுத்தி இருக்கு.

================