நகராட்சி நிர்வாக துறையில் பணி நியமனம்
திமுக ஆட்சியில நகராட்சி நிர்வாகத்துறை அமைச்சரா கே.என். நேரு பொறுப்பு வகிச்சாரு. அப்போது, நகராட்சி நிர்வாகத் துறையில் 2,538 உதவி பொறியாளர்கள் மற்றும் இளநிலை பொறியாளர்கள் உள்ளிட்ட அதிகாரிகள் நியமனம் செய்யப்பட்டாங்க.
ரூ.634 கோடி லஞ்சமா?
இந்த பணி நியமனத்துக்கு 634 கோடி ரூபாய் அளவுக்கு லஞ்சம் பெறப்பட்டதாகவும், இது சம்பந்தமாக வழக்குப்பதிவு செய்யும்படி, தமிழ்நாடு டிஜிபிக்கு, அமலாக்கத்துறை கடிதம் அனுப்பி இருந்திச்சு.
வழக்கு தொடுத்த அதிமுக
ஆனா, திமுக ஆட்சியில இருந்ததாலே எந்த வழக்கும் பதிவு செய்யப்பட்டல. எதிர்க்கட்சிகள் கோரிக்கை வலுத்த சூழல்ல, அமலாக்கத்துறை அனுப்பிய கடிதத்தின் அடிப்படையில், கே.என். நேரு மீது வழக்குப் பதிவு செய்ய லஞ்ச ஒழிப்புத்துறைக்கு உத்தரவிடணும்ன்னு அதிமுக சென்னை உயர்நீதிமன்ற கதவை தட்டிச்சு.
கே.என். நேரு மறுஆய்வு மனு
அக்கட்சியின் எம்பி. யான இன்பதுரை தாக்கல் செய்த வழக்கை விசாரணை ஏற்ற உச்ச நீதிமன்றம், அமலாக்கத் துறை அனுப்பிய கடிதத்தின் அடிப்படையில் லஞ்ச ஒழிப்புத் துறை முதல் தகவல் அறிக்கை பதிவு செய்ய வேண்டும் அப்படின்னு பிபர்வரி மாதம் உத்தரவு போட்டுச்சு.
இதை எதிர்த்து உயர் நீதிமன்றத்துக்கு போனாரு கே.என். நேரு. தனது தரப்பு வாதங்களை கேட்காமல் பிறப்பிக்கப்பட்ட இந்த உத்தரவை மறு ஆய்வு செய்யணும்ன்னு, அவர் கோரிக்கை வச்சாரு.
அவரது சகோதரர்களான என்.ரவிச்சந்திரன், கே.என்.மணிவண்ணன் தரப்பிலும் தனித்தனியாக மனுக்கள் தாக்கல் செய்யப்பட்டன.
தலைமை நீதிபதி அமர்வு விசாரணை
சென்னை உயர் நீதிமன்ற தலைமை நீதிபதி எஸ்.ஏ.தர்மாதிகாரி, நீதிபதி அருள்முருகன் ஆகியோர் அடங்கிய அமர்வு இந்த மனுவை விசாரிச்சுது.
கே.என்.நேரு தரப்பில் ஆஜரான வழக்கறிஞர், "தங்கள் தரப்பு வாதங்களைக் கேட்காமல் வழக்குப் பதிவு செய்ய உத்தரவிடப்பட்டதால் உரிமையானது பாதிக்கப்பட்டு இருக்கு.
ஆகவே, வழக்குப் பதிவு செய்ய பிறப்பித்த உத்தரவை மறு ஆய்வு செய்யணும். திமுக ஆட்சியில் தாக்கல் செய்யப்பட்ட மனுவை, தற்போதைய அரசு வாபஸ் பெற முடியாது. அரசுக்கு அந்த அதிகாரம் இல்லை" என்று வாதிட்டார்.
தமிழ்நாடு அரசு தரப்பில் ஆஜரான வழக்கறிஞர், "அதிகாரிகள் நியமன முறைகேடு தொடர்பாக ஆதாரங்களுடன் அமலாக்கத்துறை கடிதம் எழுதியும், கடந்த திமுக அரசு எந்த நடவடிக்கையும் எடுக்கலை.
முன்னாள் அமைச்சர் கே.என்.நேருவை பாதுகாத்தது. வழக்குப் பதிவு செய்ய கோரிய வழக்கில், நேருவுக்கு நோட்டீஸ் அனுப்பியும், அந்த அவகாசத்தை பயன்படுத்தாமல், பதிலளிக்க அவகாசம் வழங்கவில்லை என இந்த மறு ஆய்வு மனுத்தாக்கல் செய்யப்பட்டு இருக்கு" என தனது வாதத்தை முன் வச்சாரு.
கே.என். நேரு வழக்கில் தீர்ப்பு
இவை அனைத்தையும் கேட்ட நீதிபதிகள், இந்த மனு மீதான தீர்ப்பை தேதி குறிப்பிடாமல் ஒத்திவைச்சி இருந்தாங்க. இந்தநிலையில், கே.என்.நேரு மனு மீது தலைமை நீதிபதி அமர்வு இன்னிக்கு தீர்ப்பு கொடுத்துச்சு.
மறுஆய்வு மனு தள்ளுபடி, விசாரிக்க தடையில்லை
நேரு தாக்கல் செய்த மறு ஆய்வு செய்யக் கோரிய மனுவையும் நீதிபதிகள் தள்ளுபடி செய்தாங்க. பிப்ரவரி 20ஆம் தேதி பிறப்பித்த உத்தரவில் எந்த மாற்றமும் செய்ய தலைமை நீதிபதி அமர்வு திட்டவட்டமாக மறுத்து விட்டது.
வேகமெடுக்கப் போகும் விசாரணை
இதன்காரணமா, கே.என். நேரு மீதான லஞ்ச ஒழிப்புத்துறையின் வழக்குப் பதிவு மற்றும் விசாரணை தொடர எந்தத் தடையும் இல்லை அப்படிங்கறது தெளிவுப்படுத்தப்பட்டு இருக்கு.
திமுகவுக்கு பின்னடைவு
நீதிமன்றத்தின் இந்த அதிரடி தீர்ப்பு, திமுகவுக்கும், கே.என். நேருவுக்கும் பெரும் பின்னடைவாக பார்க்கப்படுகிறது. அடுத்தக்கட்டமாக தவெக அரசு என்ன மாதிரியான நடவடிக்கை எடுக்க போகுது, அப்படிங்கற எதிர்பார்ப்பு எழுந்து இருக்கு.
===
