மேட்டூர் அணை நீர்மட்டம் தொடர்ந்து உயர்வு : ”நீர்திறப்பு தேதி” விரைவில் அறிவிப்பு : நேரில் செல்கிறாரா முதல்வர் விஜய்..!

காவிரி டெல்டா விவசாயிகள் எதிர்பார்ப்பில் :

தமிழகத்தின் முக்கிய நீராதாரமாக விளங்கும் மேட்டூர் அணையின் நீர்மட்டம் கடந்த சில நாட்களாக தொடர்ந்து உயர்ந்து வருகிறது.

கர்நாடகாவில் பெய்து வரும் தென்மேற்கு பருவமழை காரணமாக காவிரி ஆற்றில் நீர்வரத்து அதிகரித்துள்ளதால், மேட்டூர் அணைக்கு வரும் நீரின் அளவும் கணிசமாக உயர்ந்துள்ளது.

இதன் விளைவாக அணையின் நீர்மட்டம் வேகமாக உயர்ந்து வருவதாக நீர்வளத்துறை அதிகாரிகள் தெரிவித்துள்ளனர்.

டெல்டா பாசனத்திற்கு நீர் திறப்பு எப்போது?

மேட்டூர் அணையிலிருந்து நீர் திறக்கப்படுவது காவிரி டெல்டா மாவட்டங்களில் நடைபெறும் குறுவை மற்றும் சம்பா சாகுபடிக்கு மிகவும் முக்கியமானதாக கருதப்படுகிறது.

தஞ்சாவூர், திருவாரூர், நாகப்பட்டினம், மயிலாடுதுறை உள்ளிட்ட டெல்டா மாவட்ட விவசாயிகள், நீர் திறப்பு தேதி குறித்த அறிவிப்பை ஆவலுடன் எதிர்பார்த்து வருகின்றனர்.

தற்போதைய நீர்மட்ட நிலவரம் மற்றும் மழை முன்னறிவிப்புகளை அரசு தொடர்ந்து கண்காணித்து வருகிறது.

விவசாயிகளிடம் அதிகரிக்கும் நம்பிக்கை :

அணையின் நீர்மட்டம் தொடர்ந்து உயர்ந்து வருவது டெல்டா விவசாயிகளிடையே நம்பிக்கையை ஏற்படுத்தியுள்ளது.

உரிய நேரத்தில் நீர் திறக்கப்பட்டால் இந்த ஆண்டு சாகுபடி பணிகள் தடையின்றி நடைபெறும் என்றும், விளைச்சல் அதிகரிக்கும் என்றும் விவசாயிகள் எதிர்பார்க்கின்றனர்.

இதனால் மேட்டூர் அணை நீர் திறப்பு குறித்த அரசின் அறிவிப்பை அனைவரும் உன்னிப்பாக கவனித்து வருகின்றனர்.

விமான நிலையத்தில் அமைச்சர் செங்கோட்டையன் தகவல் :

தமிழகத்தின் முக்கிய நீராதாரமான மேட்டூர் அணையின் நீர்மட்டம் தொடர்ந்து உயர்ந்து வரும் நிலையில், அணையிலிருந்து நீர் திறக்கும் தேதி குறித்து முதல்வர் விரைவில் அறிவிப்பார் என்று அமைச்சர் செங்கோட்டையன் இன்று காலை விமான நிலையத்தில் செய்தியாளர்களிடம் தெரிவித்தார்.

அவரது இந்த கருத்து காவிரி டெல்டா விவசாயிகள் மத்தியில் பெரும் எதிர்பார்ப்பை ஏற்படுத்தியுள்ளது.

மாவட்ட காவல் கண்காணிப்பாளர் ஆய்வு :

இதனிடையே, நேற்று மேட்டூர் அணையில் பாதுகாப்பு ஏற்பாடுகள் குறித்து, சேலம் மாவட்ட எஸ்பி குத்தாலிங்கம் நேரில் ஆய்வு செய்தார்.

தண்ணீர் திறக்கப்படும் மேல்மட்ட மதகு, பத்திரிகையாளர்களை சந்திக்கும் வலது கரை பகுதி, இடதுகரையில் உள்ள 16 கண் பாலம் பகுதி ஆகியவற்றை பார்வையிட்டார். பின்னர், நீர்வளத்துறை அதிகாரிகளுடன் ஆலோசனை நடத்தினார்.

முதல்வர் விஜய் கலந்து கொள்வார் என எதிர்பார்ப்பு :

தண்ணீர் திறப்பு நிகழ்ச்சியில், தமிழ்நாடு முதலமைச்சர் ஜோசப் விஜய் பங்கேற்கலாம் என்று கூறப்படுகிறது. ஆனால், அதற்கான தேதி முடிவு செய்யப்படவில்லை என்று நீர்வளத்துறை வட்டார தகவல்கள் தெரிவிக்கின்றன. அனால் இது இன்னும் உறுதிப்படுத்தப்படாத தகவல்களாகவே நிலவுகிறது

நிலவுகிறது