அன்புமணிக்கு எதிராக ‘அய்யா பாமக’ புதிய கட்சி!:பின்னணியில் திமுக?

பாமகவில் உச்சக்கட்ட மோதல்

PMK and the mango symbol are in the hands of Anbumani information has emerged that a new party called Ayya PMK has been launched by Ramadoss : பாமக​வில் ராம​தாஸ், அன்​புமணி இடையே உச்​சக்​கட்ட மோதல் போக்கு நிலவி வரு​கிறது. தந்​தை, மகனுக்கு இடையே நிலவி வரும் பிரச்னை​யால் கட்​சி​யினர் இரு பிரி​வு​களாக செயல்​பட்டு வரு​கின்​ற​னர்.

அன்புமணி கையில் மாம்பழம்

கட்​சி​யில் பெரும்​பாலானோர் அன்​புமணி ஆதர​வாக இருப்​ப​தால், அவரது கை ஓங்கி உள்​ளது. இதனை பயன்​படுத்தி முன்​கூட்​டியே அதி​முக கூட்​ட​ணி​யில் அன்​புமணி இணைந்​தார். கட்​சி​யும், மாம்​பழம் சின்​ன​மும் அன்​புமணி கட்​டுப்​பாட்டி இருப்​ப​தால், ராமதாஸ் தரப்பினர் என்ன செய்வது எனத் தெரியாமல் குழப்பத்தில் உள்ளனர்.

“அய்யா பாட்​டாளி மக்​கள் கட்​சி”

ராம​தாஸ் அணி​யில் கட்​சி​யின் தலைமை நிலைய செய​லா​ள​ராக இருக்​கும் அன்​பழ​க​னின் மகன் முகிலன் தலை​மை​யில் “அய்யா பாட்​டாளி மக்​கள் கட்​சி” என்ற புதிய கட்சி உரு​வாகி​யுள்​ளது.

ராமதாஸ் முகத்துடன் கொடி

பாமக​வின் பெயர், வண்​ணம், கொடி ஆகிய​வற்றை பிர​திபலிக்க கூடிய வகை​யில், ஏற்​கெனவே இருக்​கும் பாமக கொடி​யில் ராம​தாஸின் முகத்தை மட்​டும் பதித்து புதி​தாக கொடி​யும் உரு​வாக்​கப்​பட்​டுள்​ளது.

அன்புமணிக்கு எதிராக...

தேர்​தலில் பாமக சார்​பில் அன்​புமணி நிறுத்​தும் வேட்​பாளர்​களுக்கு எதி​ராக, வேட்​பாளர்​களை நிறுத்​து​வதற்​காக அய்யா பாமக என்ற புதிய கட்சி தொடங்​கப்​பட்​டுள்​ள​தாக கூறப்​படு​கிறது.

ராமதாஸ் தரப்பு மழுப்பல்

இதுபற்றி கருத்து தெரிவித்த ராம​தாஸ் தரப்பு, “அய்யா பாமக என்ற புதிய கட்சி பற்றி எது​வும் தெரி​யாது. நாங்​கள் கூட்​டணி பேச்​சு​வார்த்​தை​யில் ஈடு​பட்டு வரு​கி​றோம்” என்று மழுப்பலாக பதிலளிக்கின்றனர்.

அன்புமணி தரப்பு பதிலடி

கட்​சி​யும், மாம்​பழம் சின்​ன​மும் அன்​புமணி​யிடம் உள்​ளது. அவர்​களால் ஒன்​றும் செய்ய முடிய​வில்​லை. அதனால், தேர்​தலில் எங்​களுக்கு எதி​ராக வேட்​பாளர்​களை நிறுத்​து​வதற்​காக புதிய கட்​சியை தொடங்​கி​யுள்​ளனர் என்று அன்புமணி தரப்பினர் குற்றம் சாட்டுகின்றனர்.

பின்னணியில் திமுக!

இதன் பின்னணியில் திமுக​வின் சதி இருப்பதாகவும், புதிய கட்சி மூலம் வன்னிய சமுதாய மக்களிடம் குழப்பத்தை ஏற்படுத்த ஆளுங்கட்சி சதி செய்வதாகவும் விமர்சனங்கள் முன்வைக்கப்படுகின்றன.

அன்புமணிக்கு செக் வைக்கும் திமுக

ஆனால், புதிய கட்​சிக்கு கொடுத்த முகவரிக்கு சரி​யான ஆவணம் சமர்ப்​பிக்​காத​தால், தேர்​தல் ஆணை​யம் கட்​சியை பதிவு செய்ய மறுத்​து விட்டதாகவும் தகவல் வெளியாகி உள்ளது.

ஆட்சியை கடுமையாக விமர்சித்து வரும் அன்புமணிக்கு செக் வைக்கும் வகையில், திமுக ராமதாசை பயன்படுத்த தொடங்கி விட்டதாக கூறப்படுகிறது.

===================