Tamil Nadu Budget 2026-2027: Minister Maria Wilson presented the TVK government's first budget!
தமிழ்நாடு சட்டப்பேரவையில் 2026-2027 ஆம் ஆண்டுக்கான நிதிநிலை அறிக்கையை தமிழக நிதி அமைச்சர் மரியா வில்சன் புதன்கிழமை காலை தாக்கல் செய்தார்.
தவெக அரசின் முதல் பட்ஜெட் தாக்கல்
தமிழ்நாடு சட்டப்பேரவைத் தேர்தலில் வெற்றி பெற்று தவெக தலைமையில் புதிய அரசு அமைந்த பிறகு, தாக்கல் செய்யப்படும் முதல் நிதிநிலை அறிக்கை இதுவாகும்.
காலை 10 மணிக்குத் தொடங்கிய கூட்டத் தொடரில், நிதி அமைச்சர் மரியா வில்சன் பட்ஜெட் உரையை வாசித்து முக்கிய அறிவிப்புகளை வெளியிட்டு வருகிறார்.
இக்கூட்டத்தில் தமிழக முதலமைச்சர் விஜய், சட்டமன்ற எதிர்க்கட்சித் தலைவர் உதயநிதி ஸ்டாலின், அதிமுக பொதுச்செயலாளர் எடப்பாடி கே. பழனிசாமி உள்ளிட்ட பல்வேறு தலைவர்கள் மற்றும் சட்டமன்ற உறுப்பினர்கள் பங்கேற்றுள்ளனர்.
ஏற்கனவே அமல்படுத்தப்பட்ட திட்டங்கள்
தவெக அரசு அமைந்ததைத் தொடர்ந்து:
ரூ. 75,000 வரையிலான பயிர்க்கடன்கள் தள்ளுபடி.
புதிதாகப் பிறக்கும் குழந்தைகளுக்குத் தங்க மோதிரம் வழங்கும் திட்டம் ஆகிய முக்கிய அறிவிப்புகளை முதலமைச்சர் விஜய் ஏற்கனவே அறிவித்து நடைமுறைப்படுத்தியுள்ளார்.
இந்நிலையில் பட்ஜெட்டில் எதிர்பார்க்கப்படும் வாக்குறுதி அமலாக்கங்கள்.
தவெக தனது தேர்தல் அறிக்கையில் குறிப்பிட்டிருந்த முக்கிய வாக்குறுதிகள் இந்த பட்ஜெட்டில் இடம்பெறுமா என்ற பெரும் எதிர்பார்ப்பு எழுந்துள்ளது.
மகளிர் உரிமைத்தொகை: குடும்பத் தலைவிகளுக்கு மாத உதவித்தொகை ரூ. 2,500-ஆக உயர்த்தப்படுவது.
இலவச எரிவாயு: ஆண்டுதோறும் ஒவ்வொரு வீட்டிற்கும் 6 சிலிண்டர்கள் இலவசமாக வழங்குவது.
இளைஞர் நலன்: வேலையில்லாப் பட்டதாரிகளுக்கு மாதம் ரூ. 4,000 நிதியுதவி.
கல்வி மற்றும் திருமணம்: திருமணத்திற்கு 1 சவரன் தங்கம் மற்றும் ரூ. 20 லட்சம் வரை கல்விக்கடன் உதவி.
=====
