"அமைச்சர் இங்கிலாந்தின் அரசர் அல்ல.. சட்டத்திற்கு மேலானவர் அல்ல" மரிய வில்சனுக்கு சென்னை உயர் நீதிமன்றம் கண்டனம்!

நீதிமன்றத்தில் ஆஜராவதில் இருந்து விலக்கு கோரிய நிதியமைச்சர் மரிய வில்சனுக்கு சென்னை உயர் நீதிமன்றம் கடும் கண்டனம்.

வழக்கின் பின்னணி

தமிழக நிதியமைச்சர் மரிய வில்சன், கடந்த 2022-ஆம் ஆண்டு ஆகஸ்ட் 8-ஆம் தேதி புதுச்சேரி, எல்ஐசி நகரில் வசித்து வரும் அவரது சகோதரர் மரிய கிளாரட் வீட்டின் கதவை உடைத்து உள்ளே சென்று மரிய கிளாரட் மற்றும் அவரது மனைவி கெரோலின் ஆகியோரைத் தாக்கியதாக லாஸ்பேட்டை காவல் துறையினர் வழக்குப்பதிவு செய்திருந்தனர்.

நீதிமன்றத்தில் விலக்கு கோரிக்கை

புதுச்சேரி குற்றவியல் நீதிமன்றத்தில் நிலுவையில் உள்ள வழக்கை ரத்து செய்யக்கோரி அமைச்சர் மரிய வில்ஸன் தாக்கல் செய்த மனு, நீதிபதி லட்சுமி நாராயணன் முன்னிலையில் விசாரணைக்கு வந்தது. ’

சட்டப்பேரவை நடந்து வருவதால்?

அப்போது, மரிய வில்ஸன் தரப்பில் ஆஜரான வழக்கறிஞர், "சட்டப்பேரவைக் கூட்டத்தொடர் நடந்து வருவதால் நீதிமன்றத்தில் ஆஜராவதில் இருந்து விலக்கு அளிக்க வேண்டும்" என வேண்டுகோள் விடுத்தார்.

சென்னை உயர் நீதிமன்றத்தின் கடும் கண்டனம்

இதற்குக் கடுமையான கண்டனம் தெரிவித்த நீதிபதி, "நீதிமன்றத்திற்கு செல்ல முடியாது என்று கூற நிதியமைச்சர் மரிய வில்சன் இங்கிலாந்தின் அரசர் அல்ல; நரசிம்மராவ் பிரதமராக இருந்தபோதே நீதிமன்றத்தில் ஆஜராகி இருக்கிறார்."

பதவிக்கு வந்தபிறகு ஆஜராக மாட்டாரா?

"மனுதாரர் மாநிலத்தின் நிதியமைச்சர் தான். அமைச்சராவதற்கு முன்பு நீதிமன்றத்தில் ஆஜரான மனுதாரர், பதவிக்கு வந்தபிறகு ஆஜராக மாட்டாரா?" எனக் கேள்வி எழுப்பினார்.

வேளாண்கண்ணி விழா விவாதம் மற்றும் உத்தரவு

அப்போது புதுச்சேரி காவல்துறை தரப்பில் ஆஜரான வழக்கறிஞர், வேளாண்கண்ணி ஆலயக் கொடியேற்ற நிகழ்ச்சிக்காக அமைச்சர் சென்றுள்ளதாகத் தெரிவித்தார்.

அதற்கு நீதிபதி, "அமைச்சர் வேளாண்கண்ணி சென்று திரும்பும்போது, நீதிமன்றத்தில் ஆஜராகலாமே?" எனக் கேள்வி எழுப்பினார்.

மேலும், "நீதிமன்றத்தில் ஆஜராகாமல் இருக்க முடியாது; அமைச்சர் சட்டத்திற்கு மேலானவர் அல்ல என்ற தகவலை மக்களிடம் கொண்டு சேர்க்க விரும்பவில்லை" என்று கூறி, எந்த தேதியில் அமைச்சர் புதுச்சேரி நீதிமன்றத்தில் ஆஜராவார் எனத் தெரிவிக்கும்படி அவரது தரப்பு வழக்கறிஞருக்கு உத்தரவிட்டு விசாரணையை ஒத்திவைத்தார்.

=====