Remarks made by R.S. Bharathi at a meeting in Chennai regarding people who did not vote for the DMK have sparked a major controversy in political circles.
கருணாநிதி நினைவுநாள் பொதுக்கூட்டம்
சென்னையில் நடைபெற்ற முன்னாள் முதல்வர் கருணாநிதியின் நினைவுநாள் பொதுக்கூட்டத்தில் திமுக அமைப்புச் செயலாளர் ஆர்.எஸ். பாரதி கலந்துகொண்டு பேசினார்.
வாக்காளர்கள் குறித்து கருத்து
கூட்டத்தில் பேசிய ஆர்.எஸ். பாரதி, வீட்டு வரி உயர்ந்ததற்குக் காரணமே வாக்களித்த மக்கள்தான் என்றும், மக்கள் தங்கள் தலையில் தாங்களே மண்ணை அள்ளிப்போட்டுக் கொண்டால்தான் புத்தி வரும் என்றும் குறிப்பிட்டிருந்தார்.
தவெகவிற்கு வாக்களித்ததே காரணம்
மேலும், பேருந்து நிலையங்களில் போதைப்பொருள் புழக்கம் அதிகரிப்பதற்கு 'விசிலுக்கு' (தமிழக வெற்றிக் கழகத்திற்கு) வாக்களித்ததே காரணம் என்றும் அவர் குற்றம் சாட்டியுள்ளார்.
சைதாப்பேட்டை மருத்துவமனைப் பணிகள்
சைதாப்பேட்டை தொகுதியில் மா.சுப்பிரமணியன் செய்த சாதனைகளை வேறு யாரும் செய்யவில்லை என்றும், முன்னாள் முதல்வர் கருணாநிதியால் கூட அங்கு மருத்துவமனையைக் கொண்டுவர முடியவில்லை என்றும், அது ஆலந்தூர் பகுதி மக்களுக்கும் பயன்பட்டதாகவும் தெரிவித்தார்.
ஆர்.எஸ். பாரதி எழுப்பிய சர்ச்சை
தொடர்ந்து பேசிய அவர், சைதாப்பேட்டை மருத்துவமனையில் சிகிச்சை பெற்ற நோயாளிகளும் அவர்களின் உறவினர்களும் திமுகவிற்கு வாக்களித்திருந்தால் கட்சி வெற்றி பெற்றிருக்கும் என்று கூறிய அவர், திமுகவுக்கு வாக்களிக்காதவர்களுக்கு நல்ல சாவே வராது எனக் குறிப்பிட்டது பெரும் சர்ச்சையை உருவாக்கியுள்ளது.
விவாதப் பொருளாக மாறிய பேச்சு
பொதுக்கூட்டத்தில் திமுக மூத்த தலைவர் ஆர்.எஸ். பாரதி பேசிய பேச்சு அரசியல் வட்டாரத்திலும் பொதுமக்கள் மத்தியிலும் கடுமையான விவாதங்களையும், சர்ச்சையையும் ஏற்படுத்தியுள்ளது.
இதையும் படிங்க: கரூர் கூட்ட நெரிசல்: அரசுப் பணி ரத்து உத்தரவுக்கு உச்ச நீதிமன்றம் இடைக்காலத் தடை!
=====
