தேர்தல் நாளன்று மழை வருமா? : வானிலை மையம் முக்கிய அப்டேட்!

தமிழகத்திற்கு 4 நாட்களக்கு மழைக்கு வாய்ப்பு

தமிழகத்திற்கு வருகிற நான்கு நாட்களுக்கு பலத்த காற்றுடன் மழை பெய்ய கூடும் என வானிலை மையம் தெரிவித்துள்ளது.

வானிலை மையம் அறிவித்துள்ள அறிக்கை

தெலங்கானா முதல் குமரிக்கடல் வரை ராயலசீமா மற்றும் உள் தமிழகம் வழியாக ஒரு வளிமண்டல காற்றழுத்த தாழ்வு பாதை (Trough) சுமார் 1.5 கிமீ உயரம் வரை நிலவி வருகிறது . இதன் காரணமாக தமிழகத்திற்கு மழைக்கு வாய்ப்பு இருப்தாக தெரிவிக்கப்பட்டுள்ளது

மேற்குத்தொடர்ச்சி, டெல்டா மாவட்டங்களில் மழைக்கு வாய்ப்பு

இதன் காரணமாக, இன்றும் நாளையும் மேற்கு தொடர்ச்சி மலை மாவட்டங்கள், தென்தமிழக கடலோர மாவட்டங்கள் மற்றும் டெல்டா மாவட்டங்களின் கடலோர பகுதிகளில் ஓரிரு இடங்களிலும்

காரைக்கால் பகுதிகளிலும் இடி, மின்னல் மற்றும் பலத்த காற்றுடன் கூடிய (மணிக்கு 30 முதல் 40 கிலோ மீட்டர் வேகத்தில்) லேசான மழையும், ஏனைய தமிழகம் மற்றும் புதுவையில் வறண்ட வானிலை நிலவக்கூடும் என்று வானிலை மையம் தெரிவித்துள்ளது

தமிழக சட்டமன்ற தேர்தல் நடைபெறும் நாளன்று மழை

தமிழகத்திற்கு சட்டமன்ற தேர்தல் நடைபெறும் நாளன்று மழைக்கு வாய்ப்பு இருப்பதாக வானிலை மையம் தெரிவித்துள்ளது .

இது குறித்து வானிலை மையம் கணிப்புப்படி ,வரும் 22, 23 ஆகிய தேதிகளில் மேற்கு தொடர்ச்சி மலை மாவட்டங்கள், தென்தமிழக கடலோர மாவட்டங்கள் மற்றும் டெல்டா மாவட்டங்களின் கடலோர பகுதிகளில் ஓரிரு இடங்களிலும், காரைக்கால் பகுதிகளிலும் இடி, மின்னல் மற்றும் பலத்த காற்றுடன் கூடிய (மணிக்கு 30 முதல் 40 கிலோ மீட்டர் வேகத்தில்) லேசானது முதல் மிதமான மழை பெய்யக்கூடும் என்று வானிலை மையம் கணித்துள்ளது.

வெப்பநிலையை பொறுத்த வரை

தமிழகம், புதுவை மற்றும் காரைக்கால் பகுதிகளில் இன்று முதல் வரும் 24ம் தேதி வரை அதிகபட்ச வெப்பநிலையில் குறிப்பிடத்தக்க மாற்றத்திற்கான வாய்ப்பு குறைவு, எனினும் சற்று உயர கூடும் என்றும் , கடலோர தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை இயல்பை ஒட்டியே இருக்கக்கூடும் என்று வானிலை மையம் தெரிவித்துள்ளது.

சென்னை வானில் நிலவரம்

சென்னையின் வானிலையை பொறுத்த வரையில் இன்றும் நாளையும் வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 37-38° செல்சியஸை ஒட்டியும், குறைந்தபட்ச வெப்பநிலை 28° செல்சியஸை ஒட்டியும் இருக்கக்கூடும், அதிக வெப்பநிலையும், அதிக ஈரப்பதமும் இருக்கும் நிலையில் இதனால் அசௌகரியம் ஏற்படலாம் என்று வானிலை மையம் கணித்துள்ளது.

============