இந்திய பாதுகாப்புத்துறை அமைச்சர் ராஜ்நாத் சிங், 38 ஆண்டுகளுக்குப் பிறகு இலங்கைக்கு அதிகாரப்பூர்வ பயணம் மேற்கொண்டுள்ள முதல் இந்திய பாதுகாப்புத்துறை அமைச்சராக வரலாறு படைத்துள்ளார்.
1988-ஆம் ஆண்டில் அப்போதைய பாதுகாப்புத்துறை அமைச்சர் கே.சி. பந்த் இலங்கைக்கு சென்றிருந்த நிலையில், அதன்பிறகு தற்போது ராஜ்நாத் சிங் இந்த முக்கிய பயணத்தை மேற்கொண்டுள்ளார்.
மூன்று நாள் பயணமாக இலங்கை சென்றுள்ள ராஜ்நாத் சிங், அந்நாட்டு அதிபர் அனுர குமார திசாநாயக்க மற்றும் பாதுகாப்புத்துறை அதிகாரிகளை சந்தித்து பேச்சுவார்த்தை நடத்த உள்ளார்.
இந்தியா - இலங்கை பாதுகாப்பு ஒத்துழைப்பு, கடல்சார் பாதுகாப்பு, ராணுவப் பயிற்சிகள் மற்றும் பாதுகாப்பு தொழில்நுட்ப ஒத்துழைப்பை மேலும் வலுப்படுத்துவது குறித்து முக்கிய ஆலோசனைகள் நடைபெறவுள்ளன.
இந்துப் பெருங்கடல் பிராந்தியத்தில் சீனாவின் செல்வாக்கு தொடர்ந்து அதிகரித்து வரும் சூழலில், ராஜ்நாத் சிங்கின் இந்த பயணம் முக்கியத்துவம் பெறுகிறது.
இலங்கையில் சீனாவின் முதலீடுகள் மற்றும் உள்கட்டமைப்பு திட்டங்கள் அதிகரித்து வரும் நிலையில், அண்டை நாடுகளுடனான உறவை வலுப்படுத்தும் இந்தியாவின் "Neighbourhood First" கொள்கையின் ஒரு பகுதியாக இந்த பயணம் பார்க்கப்படுகிறது.
கடந்த சில ஆண்டுகளாக இந்தியா மற்றும் இலங்கை இடையேயான பொருளாதார, பாதுகாப்பு மற்றும் கடல்சார் உறவுகள் தொடர்ந்து வலுப்பெற்று வருகின்றன.
அந்த வகையில், 38 ஆண்டுகளுக்குப் பிறகு இந்திய பாதுகாப்புத்துறை அமைச்சர் ஒருவர் இலங்கைக்கு செல்வது இருநாடுகளின் பாதுகாப்பு உறவில் புதிய அத்தியாயத்தை தொடங்கும் நடவடிக்கையாக கருதப்படுகிறது.
===================
