இஸ்ரேல் நாடாளுமன்றத் தேர்தல்
இஸ்ரேல் நாடாளுமன்றத் தேர்தல் கடந்த அக்.27-ம் தேதி நடைபெற்றது. இதில் பிரதமர் பெஞ்சமின் நெதன்யாகுவின் தீவிர வலதுசாரி கூட்டணிக்கு 53 இடங்களும், காடி ஐசன்கோட் மற்றும் நப்தாலி பென்னட் தலைமையிலான எதிர்க்கட்சிக் கூட்டணிக்கு 48 இடங்களும், அரபுக் கட்சிக்கு 19 இடங்களும் கிடைத்தன.
ஆட்சி அமைக்க 61 இடங்கள் தேவை
இஸ்ரேல் நாடாளுமன்றத்தில் மொத்தம் 120 இடங்கள் உள்ளன. ஆட்சி அமைக்க குறைந்தபட்சம் 61 இடங்கள் தேவை. தேர்தல் முடிவுகளை பொறுத்தவரையில் எந்தவொரு கூட்டணிக்கும் பெரும்பான்மை கிடைக்கவில்லை.
ஐசன்கோட்டுக்கு 67 பேர் ஆதரவு
இந்நிலையில், ஆட்சி மாற்றம் வேண்டி காடி ஐசன்கோட்டுக்கு 67 பேர் ஆதரவு தெரிவித்துள்ளதாக தகவல் வெளியாகி உள்ளது.
இந்நிலையில், வரும் ஞாயிற்றுக்கிழமை அன்று இஸ்ரேலில் ஆட்சி அமைப்பதற்கான அழைப்பை அறிவிக்க உள்ளதாக அந்நாட்டு அதிபர் ஐசாக் ஹெர்ஸாக் தெரிவித்துள்ளார்.
ஞாயிறன்னு இறுதி முடிவு
அரசியல் கட்சிகளுடன் ஆலோசனை நடத்திய பிறகு அவர் இதனைக் கூறியுள்ளார்.
“ஆலோசனையில் நடந்தது அனைவருக்கும் தெரியும். இருப்பினும் யாருக்கு அரசாங்கம் அமைக்கும் திறன் உள்ளது என்பதைத் தீர்மானிக்கும் அதிகாரம் சட்டப்படி என்னிடம் உள்ளது. அரசியல் கூட்டணிகளுக்கு இடையில் நிலவும் விருப்பு வெறுப்புகளைப் பார்க்கும் போது இந்த விவகாரம் அவ்வளவு தெளிவாக இல்லை
சில அரசியல் கட்சித் தலைவர்களுடன் நேரடியாக தொடர்பு கொண்டு பேச்சுவார்த்தை நடத்தி பிறகு அதை தீர்மானிப்பேன்” என்று ஐசக் ஹெர்ஸாக் தெரிவித்துள்ளார்.
யாரை அழைப்பார் ஜனாதிபதி
எந்தக் கட்சியால் 61 சீட் சேர்க்க முடியும் என்று அதிபர் கருதுகிறாரோ அந்தக் கட்சி ஆட்சி அமைக்க அழைப்பு விடுப்பார். பெரும்பாலும் அதிக சீட் வாங்கும் கட்சித் தலைவருக்கு தான் அந்த அழைப்பு விடுக்கப்படும்.
28 நாட்கள் அவகாசம்
ஆனால், சில நேரங்களில் 2-வது இடம்பெறும் கட்சியைக் கூட அதிபர் ஆட்சியமைக்க அழைக்கலாம். அவ்வாறாக அழைக்கப்படுபவருக்கு 28 நாட்களும், தேவைப்பட்டால் அதன் பின்னர் கூடுதலாக 14 நாட்களும் பெரும்பான்மையை நிரூபிக்க அவகாசம் வழங்குவார்.
மற்றோரு கட்சிக்கும் வாய்ப்பு
ஒருவேளை அந்தக் கட்சியால் பெரும்பான்மையை நிரூபிக்க இயலாவிட்டால் மற்றொரு கட்சிக்கு அந்த வாய்ப்பு வழங்கப்படும். அவரும் நிரூபிக்காவிட்டால், தேர்ந்தெடுக்கப்பட்ட 61 எம்.பி.க்கள் ஒன்றிணைந்து பொதுவாக ஒருவரை கைகாட்டினால் அவர் தலைமையில் அரசமைக்க அவகாசம் வழங்கப்படும்.
ஒத்துவராவிட்டால் மறுதேர்தல்
எதுவுமே ஒத்துவராத பட்டத்தில் நாடாளுமன்றம் கலைக்கப்பட்டு மீண்டும் தேர்தல் நடத்தப்படும். இது தான் இஸ்ரால் நாடாளுமன்ற தேர்தல் நடைமுறை.
===============