சென்னை கிராண்ட் மாஸ்டர்ஸ் செஸ் : பட்டம் வென்றார் வின்சென்ட் கீமர்

பட்டத்தை உறுதி செய்த வின்​சென்ட் கீமர் :

Chennai Grand Masters Chess Tournament 2025 Winner : சென்​னை​யில் உள்ள நட்​சத்​திர ஓட்​டலில் கிராண்ட் மாஸ்​டர்ஸ் செஸ் நடை​பெற்று வந்​தது. போட்​டி​யின் 9வது நாளான்று, கடைசி சுற்று ஆட்​டங்​கள் நடை​பெற்​றன. 8-வது சுற்​றின் முடி​விலேயே 6 புள்​ளி​களு​டன் சாம்​பியன் பட்​டம் வெல்​வதை உறுதி செய்​திருந்​தார் ஜெர்​மனி கிராண்ட் மாஸ்​ட​ரான வின்​சென்ட் கீமர். கடைசி சுற்​றில் அமெரிக்க கிராண்ட் மாஸ்​ட​ரான ரே ராப்​சனுடன் மோதி​னார்.

வின்​சென்ட் கீமர் அபாரம் :

இதில் கருப்பு காய்​களு​டன் விளை​யாடிய வின்​சென்ட் கீமர் 41வது நகர்த்​தலின் போது வெற்றி பெற்​றார். இதன் மூலம் அவர், இந்​தத் தொடரில் ஒரு தோல்​வியை கூட சந்​திக்​காமல் 7 புள்​ளி​களு​டன் முதலிடம் பிடித்து சாம்​பியன் பட்​டத்தை வென்​றார். மேலும் லைவ்ரேட்​டிங்​கில் 2750.9 புள்​ளி​களு​டன் 10வது இடத்தை தக்​க​வைத்​துக் கொண்​டார்.

இந்திய வீரர்கள் டிரா :

இந்​திய கிராண்ட் மாஸ்​டர்​களான அர்​ஜுன் எரி​கைசி, கார்த்​தி​கேயன் முரளி ஆகியோர் மோதிய ஆட்​டம் 49வது நகர்த்​தலின் போது டிரா ஆனது. அமெரிக்​கா​வின் அவாண்​டர் லியாங், இந்​தி​யா​வின் விதித் குஜ​ராத்தி மோதிய ஆட்​டமும் 31வது நகர்த்​தலின் போது டிரா​வில் முடிவடைந்​தது. இந்​திய கிராண்ட் மாஸ்​ட​ரான நிஹால்சரின், சகநாட்​டைச் சேர்ந்த வி.பிரணவை 55-வது நகர்த்​தலின் போது வீழ்த்​தி​னார்.

பட்டம் வென்றார் வின்சென்ட் கீமர் :

கடைசி சுற்​றின் முடி​வில் வின்​சென்ட் கீமர் 7 புள்​ளி​களு​டன் முதலிடம் பிடித்து சாம்​பியன் பட்​டம் வென்​றார். நெதர்​லாந்​தின் அனிஷ் கிரி 5 புள்​ளி​களு​டன் 2வது இடமும், அர்​ஜுன் எரி​கைசி 5 புள்​ளி​களு​டன் 3வது இடமும் பிடித்​தனர். கார்த்​தி​கேயன் முரளி, நிஹால் சரின், அவாண்​டர் லியாங், விதித் குஜ​ராத்தி, ஜோர்​டன் வான் பாரஸ்ட், வி.பிரணவ், ரே ராப்​சன் ஆகியோர் முறையே 4 முதல் 10 இடங்​களை பிடித்தனர்.

வின்சென்ட் கீமருக்கு ரூ.25 லட்சம் பரிசு :

சென்னை கிராண்ட்​மாஸ்​டர்ஸ் 2025(Chennai GrandMasters 2025) தொடரில் மாஸ்​டர்ஸ் பிரி​வில் சாம்​பியன் பட்​டம் வென்ற வின்​சென்ட் கீமருக்கு ரூ.25 லட்​சம் பரிசுத் தொகை வழங்​கப்​பட்​டது. அத்​துடன் 24 ஃபிடே சர்க்​யூட் புள்​ளி​களும் அவருக்கு கிடைத்​தது. இந்த புள்​ளி​கள் வரும் 2026-ம் ஆண்டு நடை​பெற உள்ள கேண்​டிடேட்ஸ் தொடருக்கு தகுதி பெற உதவியாக இருக்கும்.

மேலும் படிக்க : சென்னை கிராண்ட் மாஸ்டர்ஸ் செஸ் : களமிறங்கும் முன்னணி வீரர்கள்

அனிஷ் கிரி, அர்ஜுன் எரிகைசி, கார்த்திகேயன் முரளி ஆகியோர் ஒரே புள்ளிகளை (6 புள்ளிகள்) பெற்றிருந்ததால் அவர்களுக்கு தலா ரூ.10.83 லட்சம் பரிசுத் தொகையாக வழங்கப்பட்டது.

-----