ஃப்ரீஸ்டைல் கிராண்ட் ஸ்லாம் செஸ் :
Arjun Erigaisi in Freestyle Grand Slam Chess Semi Final : ஃப்ரீஸ்டைல் கிராண்ட் ஸ்லாம் டூர் செஸ் தொடரின் 4வது கட்ட போட்டி அமெரிக்காவின் லாஸ் வேகாஸ் நகரில் நடைபெற்று வருகிறது. காலிறுதி சுற்றில் இந்திய கிராண்ட் மாஸ்டரான அர்ஜுன் எரிகைசி, உஸ்பெகிஸ்தானின் நோடிர்பெக் அப்துசத்தோரோவுடன் மோதினார். முதல் ஆட்டத்தில் கருப்பு காய்களுடன் விளையாடிய அர்ஜுன் எரிகைசி 64-வது நகர்த்தலின் போது டிரா செய்தார்.
காலிறுதியில் அர்ஜுன் எரிகைசி வெற்றி :
2வது ஆட்டத்தில் வெள்ளை காய்களுடன் களமிறங்கிய அர்ஜுன் எரிகைசி 69வது நகர்த்தலின் போது வெற்றியை தன் வசப்படுத்தினார். முடிவில் அவர் 1.5-0.5 என்ற கணக்கில் வெற்றி பெற்று அரையிறுதி சுற்றுக்கு முன்னேறினார். இதன் மூலம் ஃப்ரீஸ்டைல் கிராண்ட் ஸ்லாம் டூர் செஸ் தொடரில் அரையிறுதிக்கு முன்னேறிய முதல் இந்திய வீரர் என்ற வரலாற்று சாதனையை அர்ஜுன் எரிகைசி படைத்து இருக்கிறார்.
மேலும் படிக்க : மேலும் படிக்க : கிராண்ட்ஸ்லாம் செஸ் : பிரக்ஞானந்தாவிடம் கார்ல்சன் தோல்வி
ஏமாற்றம் தந்த பிரக்ஞானந்தா :
அதேசமயம், மற்றொரு இந்திய கிராண்ட் மாஸ்டரான ஆர்.பிரக்ஞானந்தா(Praggnanandhaa) 3 க்கு 4 என்ற கணக்கில் அமெரிக்காவின் ஃபேபியானோ கருனாவிடம் தோல்வி அடைந்தார். இந்த தோல்வியால் பட்டம் வெல்ல முடியாத அவர் வெளியேறினார். மற்ற காலிறுதி ஆட்டங்களில் அமெரிக்காவின் லெவன் அரோனியன், ஹான்ஸ் மோக் நீமன் ஆகியோர் வெற்றி பெற்றனர்.
அரையிறுதி சுற்றில் அர்ஜுன் எரிகைசி, லெவன் அரோனியனுடன் மோதுகிறார். மற்றொரு அரை இறுதியில் ஹான்ஸ் மோக் நீமன், ஃபேபியானோ கருனாவை சந்திக்கிறார்.
====
