Bay of Bengal Depression Weather Update TN Safe
புதிய காற்றழுத்த தாழ்வுப்பகுதி உருவாக்கம்
வங்கக்கடலில் புதிய காற்றழுத்த தாழ்வுப்பகுதி உருவாகியுள்ளதாக இந்திய வானிலை ஆய்வு மையம் அதிகாரப்பூர்வமாக அறிவித்துள்ளது.
இந்த காற்றழுத்த தாழ்வுப்பகுதி நாளை தீவிரமடைந்து காற்றழுத்த தாழ்வு மண்டலமாக வலுவடையும் எனக் கணிக்கப்பட்டுள்ளது. அதனைத் தொடர்ந்து, வரும் அக்டோபர் 26-ஆம் தேதி இது புயலாக மாறக்கூடும் என்றும் எச்சரிக்கப்பட்டுள்ளது.
புயலின் பாதை மற்றும் பாதிப்பு பகுதிகள்
வங்கக்கடலில் உருவாகும் இந்த புயல், மேலும் வலுப்பெற்று வடக்கு ஆந்திரா - தெற்கு ஒடிசா கடலோரப் பகுதிகளை நோக்கி நகரக்கூடும் என எதிர்பார்க்கப்படுகிறது.
இதன் காரணமாக ஆந்திரப் பிரதேசம் மற்றும் ஒடிசா ஆகிய மாநிலங்களின் கடலோரப் பகுதிகளில் மிக கனமழை முதல் ஓரிரு இடங்களில் அதி கனமழை பெய்ய வாய்ப்புள்ளதாக வானிலை மையம் தெரிவித்துள்ளது.
'அர்னாப்' புயல் எனப் பெயரிடப்படும்
இக் காற்றழுத்த தாழ்வு மண்டலம் புயலாக உருவெடுக்கும் பட்சத்தில், இதற்கு வங்கதேசம் பரிந்துரைத்துள்ள 'அர்னாப்' (Arnab) என்ற பெயர் சூட்டப்படும். மேலும், இது நடப்பாண்டில் வங்கக்கடலில் உருவாகும் முதல் புயலாக அமையும் என்பதும் குறிப்பிடத்தக்கது.
தமிழ்நாட்டிற்கு பாதிப்பு உள்ளதா?
இந்த அமைப்பு புயலாக மாறினாலும் தமிழ்நாட்டிற்கு பெரிய அளவில் பாதிப்புகள் எதுவும் இருக்காது எனத் தெரிவிக்கப்பட்டுள்ளது.
தமிழக பகுதிகளைப் பாதிக்காமல் ஆந்திரப் பிரதேசத்தை நோக்கியே புயல் நகரும் என்பதால் தமிழகத்திற்கு பெரிய அளவிலான ஆபத்து இல்லை என கணிக்கப்பட்டுள்ளது.
இதையும் படிங்க: சென்னை–அரக்கோணம் இடையே நாளை முதல் ஏசி மின்சார ரயில் சேவை! கட்டணம் நேரம் வசதிகள் என்ன?
=============
