செயற்கை இதயம், கல்லீரல் :
American Scientists Creates Artificial Heart And Liver : அமெரிக்காவின் நார்த் டெக்சாஸ் பல்கலைக்கழகம், ஸ்டான்போர்டு பல்கலைக்கழக விஞ்ஞானிகள் இணைந்து இதயம், கல்லீரல், ரத்த நாளங்கள் உள்ளிட்ட மனித உறுப்புகளை ஆய்வகத்தில் செயற்கையாக உருவாக்கி சாதனை(Artificial Human Organs) படைத்து உள்ளனர். இதுதொடர்பான ஆய்வறிக்கை முன்னணி மருத்துவ இதழ்களில் வெளியிடப்பட்டு உள்ளது.
ஸ்டெம்செல்களை பயன்படுத்தி சாதனை :
அந்த ஆய்வறிக்கையில் கூறியிருப்பதாவது, ஆய்வகத்தில் ஸ்டெம் செல்களை (Stem Cells) பயன்படுத்தி செயற்கை இதயத்தை உருவாக்கும் ஆராய்ச்சி 2017ம் ஆண்டு முதல் மேற்கொள்ளப்பட்டு வருகிறது. அந்த வகையில் 16 நாட்களில் எங்கள் ஆய்வகத்தில் செயற்கை இதயம்(Artificial Heart Invention) உருவாக்கப்பட்டது. இந்த செயற்கை இதயம், மனித இதயத்தை போன்று துடிக்கிறது.
இதேபோல செயற்கை கல்லீரலையும்(Artificial Liver Invention) உருவாக்கி உள்ளோம். மேலும் செயற்கை ரத்த நாளங்களையும் உருவாக்கி இருக்கிறோம். எங்களது ஆராய்ச்சியின் மூலம் லட்சக்கணக்கான மக்களை காப்பாற்ற முடியும்” இவ்வாறு ஆய்வறிக்கையில் தெரிவிக்கப்பட்டு உள்ளது.
மேலும் படிக்க : 3 நிமிடத்தில் முறிந்த எலும்புகளை ஒட்டலாம்: பசையை கண்டுபிடித்த சீனா
மருத்துவ உலகில் புதிய மைல்கல்
மனிதனின் பரிணாம வளர்ச்சி, நோய் பரவல் காரணங்கள், மருந்துகளின் செயல்திறன் ஆகியவற்றை அறிந்து கொள்ள இவை பெரிதும் பயன்படும். வருங்காலங்களில் இதயம், கல்லீரல் சம்பந்தமான நோய்களுக்கு ஆட்படுவோரின் உயிர்களை எளிதில் காப்பாற்ற முடியும் என்று விஞ்ஞானிகள்(American Scientists) தெரிவிக்கின்றனர்.
=======
